من السبب فيما يحدث مع المعلمين الآن ؟

إيه رأيكم يا معلمين في هذا الخبر المفرح جدا بس ياريت بجاوب بصراحة ونقول من المتسبب الحقيقي في كل ما يحدث مع المعلمين الآن الذي لم يحدث منذ مئات السنين كرامة المعلم انداست بالأقدام يا سيادة رئيس الوزراء المعلم أصبح بدون كرامة يا سيادة رئيس الجمهورية

هل يعقل أن يحدث هذا مع المعلم الذي يربي ويعلم سيادة الرئيس من السهل أن يرفض المعلم المشاركة في أعمال الامتحانات إلا بعد تأمين حياته من شر هؤلاء ولكن ورغم هذا يتحمل على نفسه ويشارك دون أن ينظر له أي أحد من السادة المسئولين لا في حياة كريمة ولا في محافظة عليه سيادة الرئيس إن القرارات التي يتم اتخاذها من قبل الوزارة يوميا تساعد على تدمير المعلم والتعليم معا ياريت تكون الرسالة وصلت حتى نصلح ما أفسده الآخرون

واترككم مع رسالة الزميل Ahmed Abdel Baset التي تحمل معاني كثيرة يجب ان نفهمها قبل ان تنهار كل المعايير

النهاردة بعد لجنة الثانوية العامة بعد ما اللجنة خلصت خرجنا من المدرسة عشان ناخد مواصلة للمترو عشان نروح...بصينا فى الشارع لقينا عيل شحط زانق مدرس عاوز يضربوواقف فى وشة وعمال يزغدو فى كتفة وبيستفزوا وعمال يقولو انت كنت شادد اللجنة النهاردة....المدرس كان مرعوب وواقف قدام الواد وقفتك قدام بلطجى مسلح خصوصا نة مفيش اى وجة مقارنة فى الجسم لصالح الواد طبعا بالاضافة لزامايلة اللى واقفين مستنين اشارة منو..روحنا عليهم نشوف..ففية مدرس كبير فى السن سمع تأنيب الولد للمدرس عشان شادد اللجنة فالمدرس معتمدا على اعتبار سنة الكبير بيقول للواد (وانت يعنى عايز اية دلوقتى) الواد بكل غباوة وقلة ادب واستعداد للضرب زغد المدرس الكبير فى السن دة وقالة(عايز اللى انت مش عايزة ياعم)لقينا زمايلة جنبة فخفنا منهم كان عددنا قليل ومعظمهم ناس كبيرة فجرينا واطى وهدينا الواد..الواد قال لينا المادة الجاية لو اتكررالموضوع دا اقسم باللة ما فيكوم واحد هيروح البيت على رجلية وانتو احرار..واخد زمايلو ومشيو....بعد مامشيو قلت للزملا نروح نعمل محضر فى القسم قالولى طالما محدش اضرب محدش هيهتم بينا ولا حد هيعبرنا....ومشينا وربنا يستر علينا الايام الجاية