فضيحة بالمستندات ..تعيين طلاب الاعدادي والثانوي في جامعة الفيوم ..والبركة في" الجوكر "

اصبحت جامعة الفيوم وكرا للفساد حيث وقعت عقود عمل للمئات من ابناء الشخصيات العامة واصحاب المناصب منهم اثناء الخدمة العسكرية وطلاب في التعليم الاعدادي والثانوي

والسبورة تكشف بالمستندات اكبر فضيحة في الجامعات المصرية وبحسب مصادر داخل الجامعة والتي اكدت ان هناك شخصية من القيادات اطلقوا عليها " الجوكر " وتملك مصباح علاء الدين ولو عايز تعين اختك وجوزها .. بنتك وجوزها ,, اخوك و زوجته .. ابنك وزوجته او اي حد تعرفه او قريب من بعيد اومش من بعيد شد الرحيل الي جامعة الفيوم بس بشرط تعرف " الجوكر" .

هل انت نقابي ..؟ مدير عام مكتب رئيس الجامعة ؟ شغال في مكتب رئيس الجامعة ؟ بتعدي جنب مبنى رئيس الجامعة ؟ لوكده يبقى سهل تعين اي حد وبعقد ويتم ضرب اوراق مزورة وبتواريخ قديمة , مش مهم العقد يكون خدمات عامة .. لانه بعد كده الامور ح تتظبط

عايز تعيين وهمي في مزارع او ومشروعات كلية الزراعة بجامعة الفيوم ؟ سهل جدا .. دفعت وعايزتعرف اسم ابنك اوبنتك او قريبك موجود ولا ؟ بص على الصور التالية ..

عايز تتعبين في الجامعة ؟ قريبك في الجهاز المركزي للمحاسبات ؟ في النيابة العامة ؟ قريب لاحد قيادات الجامعة ؟ طيب تقرب لمستشار رئيس الجامعة للشئون القانونية ؟ قريب عميد حقوق بني سويف ؟ طيب تقدر تدفع ؟

والسبورة تنشر المستندات التي تؤكد فساد الجامعة بالاسماء وتطالب النائب العام باجراء تحقيق فوري فيها