تعرف علي معبد أبو سنبل هدية الملك رمسيس الثانى لزوجتة نفرتارى
الأربعاء 28/يوليو/2021 - 11:18 م
نشرت صفحة تاريخ مصر القديم علي موقع التواصل الاجتماعي "فيسبوك" تقريرا عن معبد أبو سنبل هدية الملك رمسيس الثانى لزوجتة نفرتارى.
وإليكم نص التقرير:
ابو سمبل زمان كان فيه جبلين واحد اسمه ابشك والتانى محا، جبل إبشك كان بتتجلى فيه روح الإلهة حتحور سيدة إبشك .
رمسيس الثانى نحت فى الجبل لنفسه معبد فى محا اللى بيتجلى فيها روح حورس سيد محا، أما تجلى حتحور فى إبشك كان لزوجته وحب حياته نفرتارى .
معبد أبو سمبل ما كانش مجرد هدية او تكريم من لرمسيس لنفرتارى علشان بيحبها ، المعبد كان تجليها المقدس مع الإلهة حتحور فى النوبة كلها وله فلسفة بناء وعقيدة خلدت رمسيس ونفرتارى مع الأرواح المبرأة وسط تكريم الآلهة .
وده طبعا بغض النظر عن موجات السف والتريقة المنفصلة عن الواقع اللى بتتناول الموضوع ده وبتقول رمسيس اتجوز عليها ٥٠ واحدة وكأن العالم القديم مكنش كلهم كده حتى الانبياء اتجوزوا اكتر من امرأة، بس دول مايعرفوش عن تاريخ مصر حاجة فمعتبيرنه مادة للسخرية.
