تعرف علي معبد "فيلة" الشهاد علي سطور نهاية حضارة وديانة المصريين القدماء
الأربعاء 28/يوليو/2021 - 06:48 م
نشرت صفحة تاريخ مصر القديم، علي موقع التواصل الاجتماعي "فيسبوك" تقريرا تناول معبد "فيلة" الشهاد علي سطور نهاية حضارة وديانة المصريين القدماء.
وإليكم نص التقرير:
معبد ايزيس "فيلة" هو صرخة احتضار أخيرة للحضارة المصرية القديمة , كل حجر وجدارية ونقش فيه بيشهد سطور نهاية حضارة وديانة المصريين زى ما عرفوها وأحبوها وكانوا مخلصين ليها لآلاف السنين وحكموا بيها العالم وأثروا فيه .
مفاهيم زى الحب والوفاء والعطاء بتحسها فى قصة إيزيس تحديدا اللى بقت مش أم المصريين بس , دى عبرت للمتوسط وإنتشر محبيها فى العالم كله .
المعبد ده التعمق فى مذاكرة تفاصيله بتسببلى إكتئاب لأنه كان معنى بالأمومة والحياة والحب ولكنه انتهى بيه الحال دلوقتى إنه شهادة وفاة الحضارة المصرية .
فيه آخر نص مصرى مكتوب بالديموطيقى على الإطلاق وفيه اسطورة عيلة إسميت بآخوم اخر سلالة للكهنة فى مصر على حد علمنا .
فى رسالة ما انساهاش ابدا تركها أحد الحجاج على جدران المعبد قال فيها إن ارض ايزيس هى أعظم ارض فى الوجود وهى الأرض الأزلية الأولى .
لحظة إغلاق المعبد ده وبلا أدنى مبالغة كانت نقطة النهاية لحضارة مصر القديمة.
