7 قرارات منتظرة من التعليم بشأن بدء العام الدراسى الجديد.. صورة الغش الجماعى.. ودرجات الرأفة.. وامتحان الفيزياء.. الدروس الخصوصية
الأربعاء 08/يوليو/2020 - 04:44 م
نشر الناشط التعليمى احمد حافظ بوستا على صفحته الرسمية بموقع التواصل الاجتماعى فيسبوك بشأن 7 قرارات منتظر صدروها من وزارة التربية والتعليم والتعليم الفنى، والتى جاءت كالتالى:
اقرأ المزيد:
- فاكرين صورة الغش الجماعي بالثانوية العامة اللي كانت أول يوم ومصر كلها اتكلمت عنها؟.. كل من ظهروا في الصورة تقرر رسوبهم في الدور الأول والثاني لهذا العام، والدور الأول والثاني للعام المقبل، يعني مش هيدخلوا امتحانات ثانوية عامة تاني غير سنة ٢٠٢٢.
- وزارة التعليم هتعمل إيه في امتحان الفيزياء للثانوية العامة؟.. هيتصحح عينة عشوائية يوم السبت، ولو كانت النتيجة إن فيه طلبة جايبة درجات نهائية في المادة الوزارة هتطلع تقول الامتحان عادي ومفيش إلغاء أسئلة ولا توزيع درجات، أما لو أثبتت العينة إن فيه سؤال صعب جدا وأغلب الطلبة مجاوبتش عليه صح، سوف يتم إلغاء السؤال وتوزيع درجاته على أسئلة بسيطة.
- مش هيحصل حاجة بالنسبة لامتحان التاريخ.
- بعد بكرة، آخر يوم في التقديم بمرحلة رياض الأطفال والصف الأول الابتدائي، ولن يتم فتح باب التقديم مرة أخرى.
- درجات الرأفة اللي رفعها وزير التعليم ١٠٪ تخص الراسبين في أقل من ٣ مواد فقط، علشان يتحولوا من راسبين ولهم دور تاني لناجحين.
- مفيش حرف من الكلام المنشور عن العام الدراسي الجديد صح.. وأي كلام لم يصدر رسميا عن مجلس الوزراء بخصوص هذا الأمر.. شائعة.
- مفيش حرف من الكلام المنشور عن سناتر الدروس الخصوصية صح.. وقرار الفتح أو استمرار الغلق المؤقت أو النهائي في يد مجلس الوزراء، علشان الناس اللي بتحجز من دي الوقت للعام الدراسي الجديد، لكن ما أتوقعه بقوة، لن يتم فتح السناتر حتى لو بدأ العام الدراسي الجديد، والبديل مجموعات مدرسية تحت رقابة وزارة التربية والتعليم.
