التعليم ترد علي استسفارات المتقدمين حول مسابقة الـ " 30 الف معلم " ..ماذا قالت ؟
الثلاثاء 09/ديسمبر/2014 - 04:45 ص
اجابت وزارة التربية والتعليم علي بعض تساؤلات المتقدمين لاختبارات الـ " 30 الف معلم وردت علي استفساراتهم
قال مصطفي كشك علي صفحة "تعيينات مسابقات تعيينات وزارة التربية والتعليم " علي موقع التواصل الاجتماعي " الفيسبوك "كنت فى الوزارة النهاردة وتوصلت بعد استفسارات ومناقشات لما يأتى ودا مش تحليل انما نص الكلام زى ما ذكرته لي الوزارة بالضبط .
1) الناس بتوع محافظة الدقهلية اللى راحوا اللجان ولم يوجدوا اسامهم بالكشوف قداهم حلين ؛ ممكن يروح فى اى ميعاد فالأسبوع دا يمتحن فى الوازرة وانا شخصيا امتحنت النهاردة فى مبنى قطاع الكتب بفيصل ، الحل التانى يروح مركز التطوير بالمنصورة اللى جنب مدرسة فريدة حسان فى حى غرب يسجل بياناته هناك والمركز دا هيبعت للوازرة يطلب الباسورد وهتنزل مواعيد جديدة للناس دى وغالبا هيتم امتحانهم فى مركز التطوير دا .
2) المحافظات التى تم تأجيل الامتحان بها هتمتحن الأسبوع الجاى ان شاء الله فى المرحلة الخامسة والاسماء الجديدة بتنزل كل خميس .
3 ) اللى امتحن مادتين أو مادة والسيرفر وقع فى الباقى ، هيمتحن المواد اللى السيرفر وقع فيها مع التخصص أو قبله بعد ما الناس كلها تخلص المواد العامة اما اللى نجح فيها فدا خلاص .
4 ) لسه فى مرحلة خامسة وسادسة واحتمال يكون فى سابعه كمان ومحدش امتحن التخصص غير شمال سيناء وبعض الاستثناءات زى الناس اللى نزلت من برا عشان تمتحن وانا كان معايا ناس من دول وامتحنوا الاربع امتحانات فى وقت واحد .
5 ) ممكن تروح تعمل تظلم بس بشرط انك تكون مقدم فى الاول غير كدا حتى لو ورقك سليم هيقولك مش هينفع .
6) التعليم الفنى مش هيمتحن اى امتحانات غير بعد ما التعليم العام يخلص كل امتحاناته بما فيها التخصص .
7) بعد انتهاء الاختبارات هيتم الاختيار على الاعلى تقدير ثم الاعلى مؤهل ثم الاعلى فى درجات الاختبار ، والاختبارات دى بدل المقابلات الشخصية .
.
