غضب في اوساط المعلمين بسبب مسابقة التعيينات ..واشتباكات في الاسكندرية مع الامن

وقعت اشتباكات بين الامن المركزي الاف الخرجيين الذين تجمعوا امام مديرية التربية والتعليم بالاسكندرية لتقديم في مسابقة تعيين المعلمين.

وعبر الخريجين عن غضبهم بسبب رفض المديرية استلام اوراق ،واخبارهم بعدم وجود مسابقات تعيين من الاساس .

وقال بعض الخرجيين احنا روحنا سألنا النهارده في وكاله الوزاره وفي التنظيم والاداره في الإسكندريه وكنا عدد كتيير بصراحه يتعدي الألآف من الخريجين وجابولنا الأمن المركزي وحصلت اشتباكات بينا . المهم دخلونا ف الآخر وقالوا مفيش مسابقات ولا تعينات جديده قالوا احنا ما لناش ذنب احنا ما وصلتناش أي منشورات أو فاكسات بخصوص المسابقه الجديده والكلام اللي بتشوفوه علي النت دا كله كدب . و بيضحك عليكم بالشروط بتاعت المسابقه عشان تنشغلوا بالشروط وتسكتوا . قالونا روحوا أعملوا مظاهره ف القاهره قدام مبني الوزاره وقابلوه شخصيا وأعرضوا مطالبكم عشان المسابقه تنزل وأعطونا الكثير من التبريرات الكاذبه .

و احنا إن شاء الله لو مسابقه التربيه والتعليم ما نزلتش خلال الأسبوع دا زي أبوالنصر ما قال هنعمل مظاهره واعتصام مفتوح قدام الوزاره بدايه من شهر أغسطس القادم لحين نزول المسابقه وبالعدد المناسب .. ونطالب بإقالة محمود أبوالنصر