نافع :توضيح بشأن مناصب ومرتبات الزملاء المنتدبين لديوان الوزارة

قال صلاح نافع منسق عام ائتلاف شباب المعلمين والناشط التعليمي هل يعلم الزملاء انه منذ عملنا بديوان الوزارة لم نحصل على حافز الاعباء ولا الحد الادنى الذين نطالب بهم للمعلمين ونبحث على الغاء شروطهم

اضاف عبر صفحته الشخصية علي موقع التواصل الاجتماعي " الفيس بوك "اه والله لانه لا ينطبق على العاملين بالديوان يعنى مرتبنا اقل من زملائنا بحوالى 600 جنية لان هناك ايضا حافز 25 % يخصم منا ايضا

اشار ..انت عارف ان المناصب دى وظيفة مثل اى شخص فى الديوان ولم تكن مناصب ولا حاجة ولكن وظيفة مثلك مثل المتعاقد الجديد فى ديوان الوزارة وتحصل على نفس ما يحصل عليه المتعاقد الجديد فى ديوان الوزارة والعكس كمان يمكن هو افضل منك ( لا علاقة للمؤهل بعملك داخل الديوان )

يعنى ممكن يكون معاك دكتوراه وهو لسه متعاقد والاثنين بيحصوا على نفس المكافأة

وردا علي من يقول "يا عم دول بياخدوا 600 يوم مكافأة " ..فعلا 120 يوم كل شهرين يعنى حوالى 3 الاف جنية ( بس اصبر ) شوف اتخصم مننا كام الاول

600 جنية كل شهر يعنى 1200 جنية فى الشهرين تتحصل عليهم حضرتك -- مرتبك

بالاضافة الى المجموعة المدرسية او اى درس خصوصى على الاقل 1000 جنية مجموعة فقط نصيبك القانونى وانت فى مدرستك

اقسم بالله احد الزملاء منا كان ياخذ شهريا 3 الاف دروس ( ضاعت عليه )

بس اللى مش فاهم بيتعب

يا ريت نفهم

__________________

ممكن تحسبها ماديا صح

هتعرف احنا بناخد كام

_____________

كمان حضرتك بتاخد 4 شهور اجازة ونحن لا نعرف اجازات

______________

نسيت

__

المواصلات يوميا للسفر للوزارة

بعد ما كانت مدرستى جنب البيت

_________________

ده غير الضغط النفسى ومطالب ومشكلات المعلمين التى تعرض علينا يوميا ونقدمها للمسئولين --- ممكن يعرف ذلك بعض الزملاء الذين جاءوا للوزارة وقابلونا

____________________________

طيب ما ترجعوا مدارسكم افضل ما دام الموضوع كده

__________________________

ربنا يسهل

المشكلة مش مناصب ولا فلوس ولا مكاسب للى بيفهم

احنا بنعمل كتير بس مش لازم نعلن عنه

وبعض الزملاء يعرف ذلك

احنا علينا دور مهم وهام لجميع المعلمين وهيتعرف فى حينه بس الصبر

اوضحت هذا لمن يقول مناصب مناصب مناصب وهو مش فاهم حاجة

مكافأة 600 يوم وهو مش فاهم حاجة

بصراحة كلام لا يليق بمعلم يخلى الناس تضحك عليه