فارس : اتنين و اتنين...يا حكومتنا الرشيدة نقطة نظام
السبت 19/أبريل/2014 - 10:23 م
قال فارس احمد معلم بمحافظة القليوبية ..يعني ايه يبقى قدامك المدارس الحكومي.. و تفضل تودي ابنك مدرسة خاصة ،يعني ايه تبقى المستشفيات الحكومية مفتوحة ...وتفضل إنك تكشف عند دكتور في عيادة خاصة؟؟
اضاف عبر صفحته الشخصية علي موقع التواصل الاجتماعي " الفيسبوك " و يعني ايه علاج التأمين الصحي يبقى موجود و تقول لأ.. اروح أجيبه من صيدلية تانية عشان المادة الفعالة و تاريخ الإكس باير
و يعني ايه يبقى قدامك فرن العيش ابو 5 قروش و تروح تجيب من العيش أبو ربع جنيه
و غيرها و غيرها
يا حكومتنا الرشيدة نقطة نظام
خدماتك للأسف غير مرغوب فيها لسوء الخدمة
انتبه.. الثورة ترجع إلى الخلف
تحية للغلابة
