طارق شوقى :احنا بنصلح القرف وقربنا نموت وفيه ناس بتميل للهجوم و50% من المتظاهرين لاعلاقة لهم بالتعليم

اكد الدكتور طارق شوقى، وزير التربية والتعليم والتعليم الفنى ، إن 50% من الذين تظاهروا أمام  مبنى وزارة التربية والتعليم اعتراضا على مشروع تطوير التعليم ليس لديهم أبناء ، قائلا " لازم تعرفوا إن فيه جروبات على الواتس آب، وفيه ناس بتدفع، لازم نفهم مين بيوجه الناس دول".

وأضاف د طارق شوقى وزير التربية والتعليم ، امام لجنة لجنة التعليم لمناقشة مشروع تطوير التعليم،: "إزاى لما نيجى نعمل حاجة كويسة يعاملونا معاملة الأعداء، إحنا بنصلح القرف الموجود، فيه ولاد بيطلعوا المرحلة الخامسة والسادسة الابتدائية مش بيعرفوا يقرأوا".

قال وزير التربية والتعليم، "أحنا قربنا نموت من التواصل، إحنا مفيش حد تواصل أدنا، مش عارفين نشتغل من التواصل، وأنا مش عارف ايه هو الحوار المجتمعي أكتر من اللى بنعمله الحقيقة " وذلك ردا على اعتراض عدد من نواب البرلمان على ضعف التواصل مع المجلس،