تمرد على المناهج التعليمية: تخفيف المناهج التعليمية للنصف .. وعودة امتحانات الميدترم المنتهى
الخميس 18/يناير/2018 - 05:35 م
تداول امهات مصر بجروب " تمرد على المناهج التعليمية " بعض المقترحات وجهوها لوزير التربية والتعليم الدكتور طارق شوقى وتضمنت النقاط التالية :
- عوده الميدترم المنتهي ..ده اللي طالبنا بيه من الاول ...عاوز تلغيه يبقي تلغي درجاته..مش نلاقي الغلطه تضرب في 2 ....ده ظلم وضياع تعب العيال
- لازم عدد الدروس او الوحدات يقل. لازم يقل ..ينزل النص كمان ....ولا بيكون في وقت للشرح ولا للحفظ ولا للمراجعه..
التعليم بالكم فاشل وخلانا في خارج التصنيف ..الدول كلها شغاله بالكيف مش بالكم ...
- الرسم والكمبيوتر يلغي امتحانتهم في جدول الامتحانات..لانه ضغط وخلاص
- جدول الامتحان يكون ماده واحده في اليوم ..يمنع تكون مادتين مهما كان
- لازم الهوم وورك يلغي ..دوله زي فنلندا .لما لغيت الهوم وورك .التحصيل زاد وفي دراسه علي ده في النت ..ممكن الرجوع لها اي مسائل او تمارين تحل في المدرسه مع تقليل الدروس الاستيعاب حيكون احسن والطالب يتنفس هو واهله..مش نفضل نحل هوم وورك لحد 11بليل
- يلغي طبع كل الكتب الخارجيه ويعمل كتاب مدرسي محترم فيه الشرح والتمارين بطريقه سهله ومبسطه زي الكتب الخارجيه والامتحانات لا تخرج منه ولا من تمارينه .
مش نذاكر من عشرين كتاب وبوكليت ومراجعات وبعدين كمان الامتحان من مخيلات واضع الامتحان
- الدرجات كلها تكون واحده.. مثلا من 60
مش نلاقي من 80 .40 ..100 وغيره ... يعني اللي ينقص درجتين في العربي زي اللي ينقص 10في الدراسات لان العربي من 100والدراسات من 40 ...ده ظلم
- سنه سادسه مش شهاده ...يبقي زيها زي اي سنه نقل في كل شئ ..مش حته حته
