رسالة هامة لكل أولياء الأمور

وتضمنت الرسالة الآتي:-

1-    بلاش ثقافة أن أبنك لو مش حافظ يبقي مش فاهم وغبي

(الحفظ بيجي بعد مايفهم هاتلاقيه حفظ لوحده بلاش أستعجال)

2- بلاش ثقافة أن أبنك لو ما جبش الدرجة النهائية يبقي فاشل

(أعظم العلماء ماجبوش 100% و الكمال لله وحده )

3- بلاش ثقافة أن أبنك علشان بيسأل كتير يبقي رخم وزنان ورغاي

(الإبتكار والاختراع والبحث العلمي بدايته سؤال سيبه يسأل وجاوبه ماتنفضلوش )

4- بلاش ثقافة أن أبنك لو بيشخبط كتير وبيلون كتير يبقي بيضيع وقت

(الفكرة بدايتها شخبطة قلم علي ورقة وتلوينها بيحقق أهدافها)

5- بلاش ثقافة أن أبنك علشان حركته كتير وبيتنطط كتير يبقي عنده كهربا في المخ ومجنون

(عنده طاقه زايده سيبه يخرجها في اللعب والعب معاه بدل ماتلاقيه بيلطش في أخواته )

6- بلاش ثقافة أن أبنك لازم يحل الواجب قدامك ومعاك

(خليه يعتمد علي نفسه حتي لو حله غلط قومه وعدل معاه الغلط وعرفه الغلط جه أزاي علشان مايتكررش تاني)

7- بلاش ثقافة أن أبنك كلامه مالوش لازمة وعيل وكلامه تافه

(كبره قدام نفسه وقدام الناس - علشان يبقي كبير من يومه بس برضه علمه التواضع )

8- بلاش ثقافة أن أبنك لازم يبقي نسخه من أبن فلان ولا أبن علان علشان يبقي أحسن حد في العالم

(يمكن هوه أحسن منهم كلهم بس أنتا اللي مش واخد بالك )

9- بلاش ثقافة أن أبنك كل شوية تقوله لازم تطلع دكتور ولا مهندس

(المهن التانيه لو مش موجوده مكناش هانقدر نعيش)

10- بلاش ثقافة أن أبنك لازم يلبس علي مزاجك

(سيبه يختار بذوقه يمكن ذوقه أحسن من ذوقك يا أخي والمرايا هاتحكم)

11- بلاش ثقافة أن أبنك مايقدرش يتحمل مسؤلية

(علمه يبقي مسؤل عن واجباته وأدواته وحاجاته الشخصيه - علمه وربية علي المسؤلية )

12- بلاش ثقافة أن أبنك لما ينضرب هايسمع كلامك ومش هايكرر الخطأ تاني

(الضرب مش هوه نجاح ولا وسيله للبناء أكثر منه للهدم )

13- بلاش ثقافة أن أبنك علشان ساكت علي طول وصامت ومش بيلعب ولا يتكلم مع حد يبقي مؤدب وهادي

( يمكن من كثرة الحزن والغضب وقلة التقدير منك وعدم الاهتمام بيه قرر يموت بالروح مش بالجسد)

وبلاش ثقافة آن رقم 13 بيجيب النحس

لأني أخترته أختم بيه البلاشات دي

( تفائلوا بالخير تجدوه )