نداء الى وزير التربية والتعليم
الأربعاء 24/مايو/2017 - 12:51 م
تداول نشطاء المعلمين على مواقع التواصل الاجتماعى"فيس بوك"، نداء الى الدكتور وزير التربية والتعليم رجاء من سيادتكم عدم تطبيق نظام الثانوية العامة الجديد النظام فعلا محتاج دراسة ولازم يتعرض على مجلس الشعب ورئاسة الوزراء أبسط شئ النظام لا يتماشى لا كليا ولا جزئيا مع عامة الشعب .
يا سيادة الوزير فى بيوت فى مصر لحد دلوقت ماوصلهاش مياه هيجيبوا نت منين للمذاكرة
يا سيادة الوزير سرعة النت فى مصر كلها ماتتعداش ربع سرعة النت فى اى دولة متقدمة من اللى بيطبق فيها نظام زى الثانوية الجديدة
يا سيادة الوزير موقع مديرية التعليم بالجيزة وقع بسبب ضغط اولياء الامور عليه ودى محافظة واحدة طيب هيعمل ايه بنك المعلومات امام كل محافظات الجمهورية
يا سيادة الوزير لو لازم اوى تطبيقة ممكن يطبق فى كام مدرسة بشكل تجريبى مع ابقاء النظام الحالى ولولى الامر حرية الاختيار فى انه يقدم لابنه فيها ولا لأ زى تجربة المدارس اليابانية
وماينفعش تلغى مكتب التنسيق اللى هو أخر حاجه بنثق فيها
الرجاء الرجاء إعادة النظر ودراسة النظام حرصا على مستقبل الطلبة ومراعاة لظروف الاسر المصرية البسيطة
