خادم الكنيسة يروى تفاصيل زيارة الارهاربى "ليلة الانفجار"

وقال مختار، :يوم السبت بالليل 10 ديسمبر شوفت منفذ الانفجار على باب الكنيسة، 

وسألنى قائلاً: السلام عليكم أنا مسلم وعاوز كتب عن الديانة المسيحية لأنى بجمع معلومات عنها، 

فرديت عليه:للأسف يا أستاذ إحنا معندناش مكتبة ومش هنقدر نفيدك”،

فرد علىَّ قائلاً:طيب دخلنى بعد أذنك أقابل أى حد من القساوسة آخد منه شوية معلومات عن الديانة، 

ولكن رفض خادم الكنيسة ذلك قائلاً له:حضرتك الوقت متأخر ولا نستطيع دخولك وممكن تيجى بكره نشوف حد يتكلم معاك، لأن الكنيسة بتقفل فى الوقت ده.

واستكمل خادم الكنيسة، قائلاً:شوفته كان معاه شنطة كبيرة، ولكن بعد ما رفضت دخوله مشى على طول دون أى محاولة للدخول مره أخرى".

وأكد مرقص مختار، أنه بعد حدوث الانفجار لم أتوقع أن الشخص الذى رأيته ليلة الحادث هو نفس الشخص منفذ الانفجار، لأننا ارتبكنا فى الحادث، وحزننا على الشهداء كان هو المشهد الموجود أمام أعيننا، مضيفًا أن بعد إلقاء الرئيس عبد الفتاح السيسى كلمته صباح أمس، أثناء تشيع جثامين شهداء الكنيسة، وفوجئنا جميعًا باسم منفذ الحادث، وبعد انتشار صورته تأكدت تمامًا من شخصية منفذ الانفجار داخل الكنيسة، من الصور التى تداولتها الصحف والقنوات الفضائية، مشيرًا: انتقلت بعدها سريعًا إلى النيابة للإدلاء بالتفاصيل الجديدة التى أعرفها.

كان الرئيس عبد الفتاح السيسى، كشف عن اسم منفذ العملية الإرهابية بالكنيسة البطرسية، أثناء كلمته فى تشيع جثمان الشهداء، وقال:اللى عمل كده علشان تكونوا عارفين شاب دخل الكنيسة اسمه محمود شفيق محمد مصطفى، وفجر نفسه داخل الكنيسة، عنده 22 سنة وقبضنا على 3 وسيدة وناقص اثنين، وإمبارح طول الليل بيطلعوا جثة محمود محمد شفيق مصطفى، اللى عمل العمل ده بحزام ناسف مش بشنطة، والكلام اللى أنا بقوله ده كلام مسئول ماكناش نقدر نيجى ليكم النهاردة.