نال اقتراح أحد المعلمين موافقة من جميع المعلمين المشاركين على موقع التواصل الاجتماعى "فيسبوك" بخصوص المقترح الذى تم طرحه بخصوص "فقط للمعلمين المصريين"شقة لكل معلم" باشتراك شهرى 100 جنيه"، حيث تسأل المعلمون عن آلية تنفيذ هذه الفكرة.
الجدير بالذكر أن أحد المعلمين قد اقترح شقة لكل معلم فقط بـ 100 جنيه شهريا، حيث جاء المقترح كالتالى:
كشف أحد المعلمين المصريين عن مقترح وفكرة حصول كل معلم على شقة مساحتها 100 متر مربع بتكلفة 160 الف جنية نصف تشطيب ويكون ذلك مقابل اشتراك شهرى 100 جنية فقط لمدة 10 سنوات فقط
قام بشرح وتفصيل الفكرة على النحو التالى:
يوجود حوالى مليون معلم مصرى لو كل واحد منهم دفع 100 جنية شهرياً يكون اجمالى مايتم دفعة اخر الشهر 100 مليون جنية يعنى خلال سنة " 12 شهر " يكون المبلغ مليار و200 مليون جنية السنة الاولى يتم شراء ارض بهذا المبلغ وفى السنة الثانية بنفس المبلغ يتم بناء 500 عمارة فى 20 شقة بس يبقى اجمالى الشقق 10000 شقة فى سنة واحدة يتم توزيعها على المعلمين بنظام القرعة واللى اسمه يطلع فى القرعة يدفع 20 الف جنية ويتم تقسيط الشقة له لمدة 20 سنة فقط ثم بعد ذلك تصبح الشقة ملك لهذا المعلم وسيتم الاستفادة من القسط والمقدم فى بناء شقق اخرى لتسليمها لباقى الزملاء وتسليم عدد الشقق فى كل مرحلة يكون العدد فى الزيادة لان 10 الف يتم تسليمها سيتم تحصيل مبلغ المقدم 20 الف فى 10 الف يصبح المبلغ المقدم فقط 100 مليون جنية بالاضافة الى 6000 سنويا للقسط فى 10 الف يكون هناك اجمالى اخر 10 مليون جنية وبالتالى يصبح الاجمالى المقدم والقسط السنوى 110 مليون جنية بكده الكل هيستلم شقق وفى النهاية بعد الانتهاء من تسليم الجميع بباقى ارباح هذا المشروع يتم عمل مشروع استثمارى يستفد به كل معلم وبكدة يكون مشارك فى مشروع وحصل على شقة بنفس اللى دفعه للشقة فقط اى انه لايتحمل اى مصاريف اخرى بنسبة دخوله فى المشروع لان سيتم ذلك من ارباح تلك الشقق بعد الانتهاء منها .
الفكرة اكثر من رائعة ونزل هذا البوست قبل كدة وقلنا موافقين على ان يكون فية عدالة عند الاختيار بحيث يضع ترتيب لكل مشترك الدور على بعد خمس سنوات مثلا او فىاخر سنة للاشتراك وهكذا اى يكون فية ضوابط حتى يكون فية مصداقية متى ياخذ هذا المشروع حيز التنفيذ والا هو حكاوى القهاوى والا كلام ابن عم حتيت
·
فعلا فكره رائعه وانا موافق ومشترك من الان
·
مش لما يكون لينا وجود معاهم اصلي ياسيدي دول عايزين يولعوا فينا
·
ياريت فكرة رائعة بس اللى مش عاوز يدي مرتب عدل حيدي شقة قولوا يارب
·
فكره رائعه لاكن سيتدخل الحراميه اللي في البلد بمبدأ يا فيها يا خفيها
فكره هايله وانا موافقه جدا وياريت التنفيذ اطلع باقتراحك ده على الريس والله المستعان
·
لو فكرنا خارج الصندوق و قمنا بعمل جمعية سكنيه للمعلمين تكون هى المسؤله عن هذا المشروع ستنفذ الفكرة و لن تبقى حلما
·
اعملوا لنفسكم صندوق خاص بالفكره دي الي يشارك ياخد الشقه دي
كداب ياخيشة .سبوبة لسرقتنا.هاياخدوا الفلوس ويقلبوا التربيزة . سرقوا اشتراكاتنا وقالوا الدفاتر اتحرقت.حسبي الله ونعم الوكيل اكتر نقابة حرامية
·
فكره رائعة بس بدون اى محسوبة تنجح باجتياز
·
اوافقك بيس هندفع فين وامتي وينفع لي المعلم المساعد اللي هو بعقد ولا
فكرة رائعة. .. برافو علي صاحب هذة الفكرة
·
دي فكره كتير ممتازه بكده الدوله محتاجه تاخد قروض لتنفيذ تلك المشروعات ويمكن تعميمها لكل افراد الشعب اهم حاجه النزاهه والعداله .
·
هأ أوووووووووووووووووووووووووووووووووووووووووووووووو
·
فكرة رائعه يا ريت تتنفذ وياريت تبقي بعيد عن الحكومه يعني القائمين علي المشروع هم المعلميين نفسهم سواء نقابه او ناس يتم اختيارهم بطريقة معينه
حاول مرة واثنين وثلاثة طرح الموضوع على مجلس النواب من خلال نائب دائرتك ، أو تحدد مقابلة مع السيد الرئيس وتسلمه هذا المقترح ،
·
فكره رائعه ان شاء تاخذ بعين الاهميه من قبل المسئولين
·
جميله جدا الفكره بس قولي فين الدماغ الي ممكن تفكر بالشكل ده لصالح المعلمين
·
هى الفكرة حلوة جدا بس انت نسيت حاجة مهمة : الحرامية ازاى يستفيدوا والواسطة ما عملتش حسابها يعنى انا ممكن اشترك وافضل احلم بالشقة لغاية ما اطلع معاش وما استلمش جايز يلحق الورثة ياخدوها وجايز ورثة الورثة... لازم المنظومة تنظف الاول يا عمنا
·
احجزلى شقة
فكرة ممتازة تخدم محدودى الخل فعلا
·
موافق واكون اول المشتركين * بس يا ريت يتم التنفيذ من هذا الشهر وانا معاكم **** بس ربنا يستر من النصابين
·
اوافق انا معاكم ان شاء الله
·
.....موافقه ومستعدة من دالوقت ادفع واشترك
·
موافق علي الفكرة وسوف اكون من المشتركين انشاء الله
·
وتدفع الاموال للنقابه المعلميين لاانها هى النقابه الامينه على اموال المعلميين ومصالحهم مع العلم ان الفكره جميله
·
وان شاء الله المليون معلم اللي من جميع أنحاء الجمهورية هايسكنو في منطقه واحده بردو
الفكرة رائعة ياربت المسؤلين ياخدوا بيها
وبعدين الفلوس تتسرق زى كل مرة
·
يا خساره الكلام كتير بس فين التنفيذ ارحمونا يرحمكم الله
·
ياريت والله لو اتنفذ نحس أننا بناادمين
·
جميل جدابس مين قالك هايسبونا في حلنا غراب البين هايبعت اللي يحط أيده علي المشروع والفلوس زي ما حصل في فلوس النقابه ويقول لك بكره تشوفوا مصراحذروا هذه الأيام وبعد ماالغمه تعدي ابقوا اعملوا المشروع والله انا خايف بكره يقول لك مافيش فلوس لمرتبات المدرسين ويكتفوا زاتيا من الدروس.احذروا.وشكرا...
·
موافق بس مش تحت إشراف النقابه
بس الارض دي مكانها هيكون فين، مش كل المعلمين في محافظة واحدة، و مش كل الناس هيناسبها نفس المكان
·
اوااااااااااافق بكل ثقه وياريت ياخدو 200 جنيه ويعملو شقه 200 متر و300 جنيه كمان و200 متر مش مشكله لأنها ستكون شقة العمر ولكن لابد ان يتبنى القوات المسلحه هذا المشروع حتى لا يتم سرقته ويتنجز في اقرب وقت وتتوزع على كل محافظات مصر حثب كثافة المعلمين
·
ياريت نتفق على خطوات معينه ممكن نتخذها لمساندة الدوله ورفع الإقتراح للرئيس بس نعمل ايه
3
