معلمة الانجليزى بالشرقية ترد : قرار ايقافى ظالم
السبت 12/ديسمبر/2015 - 11:06 م
قامت هبة يونس معلمة اللغة الانجليزية بمدرسة اللغات الرسمية الثانوية بنات بالزقازيق بالتظلم من الدكتور رضا عبدالسلام محافظ الشرقية من قرار ايقافها عن العمل بتهمة تهديدها للطالبات بخصم درجات السلوك بناء على شكوى منهن للمحافظ اثناء جولته الصباحية على المدرسة.
حيث قامت بعمل بوسن على موقع التواصل الاجتماعى تشرح فيه ما حدث فى هذه الواقعة والظلم التى تعرضت له على حسب قولها، ويعرض موقع السبورة التعليمى البوست التى نشرته على حسابها الخاص بموقع التواصل الاجتماعى "فيسبوك"
وهذا نص ما نشرته
"انا المعلمه المشار لها فى الصوره والموقف دا حصل معايه
باﻻمس محافظ الشرقيه المحترم عمل زيارة لمدرسة اللغات بنات.. وبعد مااستمع لشكاوى الطالبات وعايز يمشى ...انا قلت له هو التعليم طلبه بس مفيش مدرسين عندهم شكاوى تعرفها وتاخد عنها فكره ..قالى اتفضلى ..
اول مشكله انا كمدرسه محترمه مش عندى كرسى اقعد عليه وﻻ درج احط حاجتى فيه.. رد بمنتهى السخريه وقالى ظروف مدرسه وبعدين هو المدرس معاه غير كشكول وقلم وطبعا اتصدم لما شاف شنطتى مليانه كتب وكشاكيل
ثانيا حضرتك بتحارب الدروس واﻻستغلال دا شئ جميل.. بس مش بطريقة تجار المخدرات اخد بوكس وعساكر وتصوير واهين المعلم وكمان اعمم اﻻهانه على كل المدرسين ..المفروض ادور على اﻻسباب واعالجها ارفع من مكانه المعلم المعنويه والماديه علشان يبقا عفيف النفس وﻻ يلجاء للدروس
وفى هذه اللحظه تحول المحافظ تماما انفعل وارتفع صوته ووصلت بيه انه قال امام الجميع وامام الطلبه #انا_لو_طولت_ادى_المدرس_بالجزمه_على_رأسه طبعا التصوير وقف والكاميرات كمان ...وفى اﻻخر طلع المحافظ محارب الفساد فى المدرسه وخصم للعمال (الحيطه المايله) 3ايام علشان الحمامات.. ووقف مدرسه عن العمل بدون تحقيق لمجرد ان شويه بنات فاشله قالوا انها بتهدد بدرجات السلوك ودا طبعا بسبب سوء سلوكهم .......هو فين حقنا كمعلمين فى المعامله المحترمه والدخل المحترم ؟؟؟؟؟؟؟".
