بيومي فؤاد..احنا بتوع فلوس بنروح السعودية ناخد فلوس..واعتذر عن مقولة أننا مش بتوع فلوس
أكد الفنان بيومي فؤاد، كان صريحا وواضحا وكشف المكسوت عنه، قال أنه فنان مصري يشارك بأعمال في السعودية فى موسم الرياض من أجل الحصول على مقابل مادي، قائلا: "احنا بنروح السعودية عشان نشتغل ونأخد فلوس واعتذر عن مقولة أننا مش بتوع فلوس وهي مضيقاهم قوي واحنا بتوع فلوس اشتغل وباخد فلوس".
وأوضح بيومي فؤاد، خلال حوار ببرنامج حبر سري، مع الاعلامية اسما ابراهيم، على قناة القاهرة والناس، أن الفنان الكوميديان يعاني من توتر وقلق وهذا يحتاج إلى مقابل ولا يعمل أحد بدون مقابل، مضيفا: "الفنان المصري محبوب ودي نعمة من ربنا عشان كده بيشيلوا أول جملة ليا في الفيديو وأنا فنان مصري وليا الشرف ويسيبوا اللي يهين".
كل اللي حبوا بيومي وقدروا فني وموهبتي أنتم فوق دماغي
ووجه بيومي فؤاد رسالة إلى جمهوره: "كل اللي حبوا بيومي وقدروا فني وموهبتي أنتم فوق دماغي ومن بعد الحلقة زعلانين مني اجيلكم لبيوتكم والفنان من غير جمهور ولا حاجة مع احترامي للنقاد وهو اللي بيطلع سابع سماء وينزل سابع ارض".
وجه الفنان بيومي فؤاد، سؤال للفنان محمد سلام بعد عرض صورة له ببرنامج "حبر سري"، مع الاعلامي اسما ابراهيم، على قناة القاهرة والناس، وحاول كتم البكاء قائلا: "ربنا معاك.. ولو هسأله هقوله أزاي متطلعش تدافع عننا وعن محمد أنور وهو ترشيحك وحقك عند ربنا".
وأضاف: "أنا صدقتك جدا في الفيديو وأنت قلت في الفيديو بتاعك لا نفاق ولا رياء وانا قلت وجهة نظري العبيطة عشان أنا راجل طيب مكنتش هتخسر حاجة لو طلعت تقول أنا مقدرش أروح ومش معنى أن محمد أنور قدر وراح يحصل معاه كده يا جماعة خصوصا أنك طلعت دافعت عن امير كرارة لما طلعت شائعة أنه مشاك من المسلسل بتاعه".
وتابع: "وطلعت دافعت عن أحمد الجنايني ليه مطلعتش تدافع عن محمد أنور مش عني وانا كنت كل يوم بسأل قبل وبعد الفيديو وده اللي كنت مستنيه منك ورزقك على الله والعمر واحد والرب واحد، لكل اللي شتموا وكل اللي فهمني غلط انا غلط بس رجال واطلع في كل برنامج اقول كده".
بيومي فؤاد لا اتراجع عن تصريحاتي في موسم الرياض "أنا قد كلام عشان راجل"
علق الفنان بيومي فؤاد، لأول مرة على تصريحاته التي أثارت الجدل بموسم الرياض بعد أزمة محمد سلام، قائلا: "مش ندمان على كلامي وأنا قد كلامي عشان راجل واعتذر فقط عن حاجة واحدة أني قلت مش جاي اضحك وأنا جاي اضحك والضحك شيء جميل والكوميديا شيء صعب".
