الجبالى يكشف كواليس أنتقال اللاعب مصطفى أشرف لـ الزمالك وسر سفر حسين لبيب الى قطر

كشف الناقد الرياضى محمد الجبالى  ،كواليس قصة اللاعب مصطفى أشرف،مؤكدا أن  الزمالك أنهى الصفقة وتم الأتفاق  على كل شئ بخصوص المقابل المادى، وأتفق مع النادى الألمانى  " مونشنجلادباخ " على الصفقة  مقابل دفع 50 ألف دولار على دفعتين 

قال محمد الجبالى عبر صفحته الشخصية على موقع التواصل الأجتماعى " الفيس بوك "، أن اللاعب وقع رسمي للزمالك،، والزمالك رفعه على السيستم لحفظ مكانه لحين وصول البطاقة الدولية

أحد الوكلاء يتدخل يتواصل مع النادى الألمانى

اوضح، للأسف الشديد " أحد وكلاء اللاعبين المحسوبين على الزمالك تواصل مع النادي الألماني وقالهم ممكن أجيبلكم من الزمالك مبلغ أكبر من اللي اتفقتوا عليه ".

اضاف الجبالى علشان كده النادي الألماني قال نخليها في الصيف لأن القيد قفل في ألمانيا ومش هنعرف نجيب لاعب تاني غيره.

قال أن والد اللاعب بيلعب دور كبير حاليا من أجل اتمام الصفقة بدون أي زيادات في المبلغ المتفق عليه لارسال البطاقة الدولية وإتمام اجراءات القيد للاعب تحت السن.

والد اللاعب بيقول الموضوع منتهي وهي مسأله وقت مش أكتر، ومسئولي الزمالك بيقولوا هي مشكلة بسيطه وهتتحل إن شاء الله واللاعب في الزمالك.

وعن الجهاز المعاون المصري مع المدير الفني الأجنبي  قال أن عبد الواحد السيد  مستمر كمدير للكرة،وأحمد مجدي مستمر  كمدرب مازال موقف معتمد جمال غير واضح  ، والقرار سيكون قرار معتمد نفسه والمجلس طلب استمراره ليكون المدرب العام مع المدير الفني الجديد …!!

قال الجبالى إن شاء الله جمهور الزمالك هيشوف البرومو وفيديوهات التقديم للمدير الفني الجديد والصفقات بشكل عظمه على عظمه، وأعضاء مجلس أدارة نادى الزمالك، هاني شكري وأحمد خالد ونيره الأحمر أشرفوا على التصوير بأنفسهم، وخالد ونيره كانوا في النادي أول أمس  من ٨:٣٠ صباحا  وحتى نهاية التصوير مع العلم بأن عبد الله السعيد كان أول واحد حضر التصوير في الصباح الباكر.

سفرحسين  لبيب الى قطر لادخل له بالصفقات 

وعن سفر الكابتن حسين لبيب، أكد الناقد الرياضى محمد الجبالى متخليش حد يضحك عليك أو يستغلك أو يعشمك علشان اللايك والشير والإثارة الكدابة، سفر الكابتن حسين لبيب رئيس نادى الزمالك  إلى قطر ليس له أي علاقة بالصفقات، وفي نفس الوقت مش من حقي أقول هو مسافر ليه حتى لو عارف !!،والدليل على ذلك إن ميعاد سفره متحدد من قبلها بفترة، يعني متحددش لما القيد اتمد ليوم ٦ فبراير، وزي ما قولنا قبل كده  ،مفيش صفقات تاني، لاعب واحد فقط لو اتحلت مشكلته هيكون موجود