الفرعون الصادق.. تعرف علي وصية الملك سنوسرت "الثالث" للمصريين
الأربعاء 29/سبتمبر/2021 - 10:23 م
نشرت صفحة تاريخ مصر القديم، علي موقع التواصل الاجتماعي "فيسبوك" تقريرا عن وصية الملك سنوسرت "الثالث" للمصريين تضمن الآتي:
الراجل ده إسمه "سنوسرت (الثالث) .. الملك ده مفيش حاجة كتبها إلا وعملها فعلا , يعنى يكتب أنا حاربت فى المنطقة الفلانية تروح تلاقى هناك له اثر , تلاقى نص بيقول انا بنيت كذا فى المنطقة الفلانية تروح تلاقيه فعلا .. ملك محارب صارم مبيهزرش ,, بنى قلعة فى فينيقيا وقلعتين فى سمنة وقمنة واتنين كمان فى بوهن وتوشكى ، أمن الحدود وأدب الاعداء فى كل مكان .
ساب نص شهير جدا فى "سمنة" بيقول فيه :
والآن بالنسبة لكل إبن من ابنائى الذى سيحافظ على هذه الحدود التى وصل إليها جلالتى , فهو إبنى من صلبى ( مولود لى) وكأنه بطل لوالده الذى يحافظ على حدوده والذى أتى من صلبه , (دكر إبن دكر) .. والآن بالنسبة لمن يهمل الحدود ولا يحارب من أجلها فهو ليس إبنى ولم يولد لى. ( أتبرأ منه).
الكتب المدرسية بتعرفه على إنه "سيزوستريس" اللى حفر اول قناة مائية تربط البحر الأحمر بالمتوسط .. لوحات الحدود والقناة المائية مذكورة في المناهج الدراسية من اول اعدادي ، بس الغالبية العظمي بتتفاجيء بالمعلومات دي! .
