هل المصريون القدماء كانوا يلبسون لبس شتوى؟
الإثنين 09/أغسطس/2021 - 10:34 م
نشرت صفحة تاريخ مصر القديم علي موقع التواصل الاجتماعي "فيسبوك" تقريا تحت عنوان هل المصريون القدماء كانوا يلبسون لبس شتوى؟
وإليكم نص التقرير:
سؤال مهم جدا , ومنطقى علشان معظم الجداريات اللى بنشوفها بتكون كلها لبس صيفى وكأن مصر قديما ماكانش فيها شتا .
الموضوع بسيط جدا وسهل لأى شخص عايش دلوقت مؤمن بوجود الجنة .. تحب تروح الجنة ازاى ؟ عجوز ولا سنك صغير ؟ تحب الجو حلو ولا حر ولا برد ؟
اكيد هتحب تبعث فى افضل حال وافضل جو وافضل ظروف ممكنة ..
وهو دى اجابة السؤال فعلا .. الجداريات كانت معظمها مثالى لتصور افضل فرصة ممكنة , وعلشان المصرى القديم كان الفن عنده غرضه دينى مش مجرد فن لمجرد الفن وخلاص, وده ما منعش برضو ان الواقعية كان ليها نصيب كبير جدا فى الفن , فى مقبرة فى غرب طيبة لكاهن اسمه "آمون ام اينت" ظهر منظر نادر جدا (اللى فى الصورة) وهو 4 ندابات من اللى بينوحوا على الميت لابسين "شال" على اكتافهم
