تعرف علي سبب حب المصريين القدماء لرمسيس الثاني "ابن مصر البار"
الثلاثاء 27/يوليو/2021 - 11:12 م
نشرت صفحة "تاريخ مصر القديم" علي سبب حب المصريين القدماء لرمسيس الثاني "ابن مصر البار" وتضمن التقرير التالي:
ويعد رمسيس الثانى وهو امير كان الدلع بتاعه سسى أو سيسو، وبعد وفاته اتسمى رمسيس الأكبر، الإبن البار لمصر.
رمسيس كانت عيلته مقاتلين فى الجيش المصرى، شرقاوية من عامة الشعب ومن وسطهم عاصروا مع الوطن ظروف صعبة وخدوا بايده ولما جه الدور على رمسيس يحكم طموحه مكنش له حدود وكان عاوز يحقق اكبر مصالح لبلدنا مصر وصان العهد وحقق اقصى ما يمكن عمله واتسمى عصره بالإمبراطورية التانية.
علشان كده انا حبيته لأن اجدادى حبوه واحترموه كجد أعظم ليهم، حبيته علشان كل المتطرفين بيكرهوه وبيشوهوا صورته بالتزوير وده لوحده بوصلة تؤكدلك إنه كان ملك عظيم فعلا، علشان كده كتابى الأول كان عنه هو وعيلته.
يعد الملك رمسيس الثانى ، العدو الأول للمتعصبين وكارهى الحضارة المصرية .. اجدادنا المصريين القدماء سموه"إبن مصر البار" اما اعداء الحضارة وحتى منهم من احفاده الحاليين من الجهلة بيشتموه وعاوزين بالعافية وبالأونطة وبكلام سخيف يلبسوه انه فرعون ولو بالزور .
رمسيس حطم جميع الأرقام القياسية فى محاولة النيل منه وتشويهه علشان تشويه حضارة وادى النيل العظيمة .
رمسيس جبل شاهق حاولت الناس دى تناطحه فاتكسرت قرونهم واوهامهم قدامه. وبقيت اثاره وسيرته تتردد لآخر الزمان.
الصحة العراقية: 12185 إصابة جديدة بفيروس كورونا
