تعرف علي الملك رمسيس الثاني "إبن مصر البار"
الأحد 04/يوليو/2021 - 05:03 م
نشرت صفحة تاريخ مصر القديم، علي موقع التواصل الاجتماعي "فيسبوك" تدوينة عن تاريخ وانجازات الفرعون المصري رمسيس الثاني وإليكم نص التقرير:
يعد الملك رمسيس الثانى ، العدو الأول للمتعصبين وكارهى الحضارة المصرية .. اجدادنا المصريين القدماء سموه"إبن مصر البار" اما اعداء الحضارة وحتى منهم من احفاده الحاليين من الجهلة بيشتموه وعاوزين بالعافية وبالأونطة وبكلام سخيف يلبسوه انه فرعون ولو بالزور .
رمسيس حطم جميع الأرقام القياسية فى محاولة النيل منه وتشويهه علشان تشويه حضارة وادى النيل العظيمة .. رمسيس جبل شاهق حاولت الناس دى تناطحه فاتكسرت قرونهم واوهامهم قدامه. وبقيت اثاره وسيرته تتردد لآخر الزمان.
تدور فى تاريخه تلاقى عزة وكرامة ورخاء وتفانى وكله بإسم مصر ولمصر وأرضها وشعبها ..
مهما حاولوا يشوهوك مصر مش هتنسى ابدا اللى عملته علشانها ولا احنا هننساك يا رعمسو.
لو سألت نفسك ليه الناس دى بتتفنن فى القاء التهم والخرافات وتشويه ملوك مصر هتظهر قدامك الحقيقة واضحة.
انا اخترت اجدادى واخترت حضارة وطنى .. وده لا يقلل من دينى او ايمانى شيء ... انا مصرى أولا ومصرى ثانيا ومصرى أبد الدهر ، انا حفيد هؤلاء ..
