أم البطل.. تعرف علي الملكة ايزيس والدة أول امبراطور مصرى فى التاريخ وأعظم ملوك مصر القديمة

نشرت صفحة تاريخ مصر القديم علي موقع التواصل الاجتماعي "فيسبوك" تقريرا  عن الملكة ايزيس والدة أول امبراطور مصرى فى التاريخ وأعظم ملوك مصر القديمة 

التمثال ده من التماثيل الى بتستوقفى دايما فى المتحف المصرى موجود بجوار تمثال للإمبراطور المصرى تحتمس الثالث ده فعلا المفروض مكان التمثال لأنه لأمه الى كان اسمها "إيزيس" كانت زوجة ثانوية للملك تحتمس الثانى و"ضرة"الملكة حتشبسوت فضلت الست دى فى الضل لحد ما إبنها اصبح ملك ومش أى ملك .

أول امبراطور مصرى فى التاريخ وأعظم ملوك مصر القديمة والمثل الأعلى لملك بحجم رمسيس الثانى استلهم منه اى تخطيط لمستقبل مصر  أم مصرية عاشت من آلاف السنين وأنجبت واحد من انجب ابناء مصر والى ذكراهم عايشة لحد دلوقتى وغالبا هتدوم لآلالف أخرى من السنين , التمثال ده كان موجود فى معبد الكرنك صنعه إبنها لها بعد وفاتها كنذر يتحط فى المعبد الناس تفتكرها وتصلى وتدعى علشانها وكتب عليه قربان يعطيه الملك سيد الارضين ابن رع "تحتمس" لأمه صادقة الصوت (المرحومة) ايزيس .

على الأرجح دور السيدة دى فى تربية إبنها إنعكس على شخصيته ومخدش منها مجرد تشابه ملامحه الواضح جدا معاها ..