مرقس عادل لـ"وزير التربية والتعليم": "يؤسفني أني أقولك أن نفسية بنتي ادمرت"
الخميس 10/يونيو/2021 - 01:57 م
وجه مرقس عادل أحد أولياء الأمور رسالة الي وزير التربية والتعليم، الدكتور طارق شوقي، بشأن تعرض ابنته مارلي مرقس عادل للتنمر بالمدرسة.
وإليكم نص الرسالة التي تم تداولها علي جروبات التعليم علي موقع التواصل الاجتماعي "فيسبوك" :
يؤسفني اني أقول ان نفسية بنتي "مارلي مرقس عادل" اتدمرت بسبب التنمر وان المدارس بقي ليها شروط معينة فالطفل غير المتعارف عليها.
الطفلة مستواها كويس جدا في التقييم انجليزي وعربي ومهارات بس المشكلة في "شعرها" أيوة زي ما قريتم كده "شعرها " ان شعرها كيرلي ومش ناعم.
الميس خرجت تقول ان الكومنت الوحيد علي البنت "شكلها مش حلو" بصيتلها بإستغراب وبصيت للبنت أتأكد من لبسها وشكلها
قالتلي شعرها ومسكته بإيديها وهي مستائة قلتلها شعرها طبيعته كده المهم مطولناش عشان الكلام كان قدام الطفلة
بس طبعا الطفلة كانت سامعة ومركزة في كل ده البنت رجعت مضايقة ونفسيتها وحشة جدا.
بأي منطق يتسببوا في أذي نفسية طفلة بالشكل المؤسف ده ازاي يبقي تقييم الطفل يبقي من خلال شكله او شعره
أزاي يتنمروا عالطفلة بالشكل ده ازاي تتكلمي كدا قدام الطفله أزاي أزاي أزاي ؟
ياريت بجد كفاية ضغوط علي الأسرة والطفل في تقديمات المدارس احنا مش داخلين حرب مدرسة ماريا اوزيليا.
