تعرف علي تحتمس الثالث أول إمبراطور فى تاريخ مصر حكم اسيا وافريقيا
الخميس 10/يونيو/2021 - 10:52 ص
نشرت صفحة تاريخ مصر القديم علي موقع التواصل الاجتماعي "فيسبوك" تقرير عن تحتمس الثالث أول إمبراطور فى تاريخ مصر حكم اسيا وافريقيا.
وإليكم نص التقرير
كل الكلام مش هيوفى حق تحتمس التالت اعظم مصرى فى تاريخ مصر، لو قولنا عليه اعظم محارب فى التاريخ شوية عليه، لانه قاد ١٧ حملة عسكرية كل حملة فيهم خاض كذا معركة وانتصر فيهم كلهم ومات على سريره فى الاخر، لو قولنا شجاعة فشوية برضو عليه لانه قرر وهو شاب صغير انه يخوض معركة ضد تحالف اسيوى كبير ضده وراحلهم مجدو فى سوريا كمان وهزمهم فى عقر دارهم والنصر ده اللى قصم وسط الهكسوس وشتتهم فى الارض لآخر مرة فى تاريخ مصر القديم.
لو قولنا جاه وسلطان فهو اول امبراطور فى تاريخ مصر حكم اسيا وافريقيا ، لو قولنا عدل ورحمة فنلاقيه بيكلم وزيره رخميرع ويأمره انه يعامل اللى يعرفه زى اللى ما يعرفوش وميفرقش ما بين حد فى الشكوى لأن ربنا مبيرضاش بالظلم، تحتمس كان قائد ومحارب مثالى، حاكم قوى وعادل والأهم من ده كله انه كان ابن مصر وأخلص لترابها وفداها بكل ما يملك.
العجيب ان بعد ده كله تحتمس مفيش ناس كتير من بنو وطننا تعرفه كويس ولا تعرف عمل ليه علشاننا وعلشان وطننا.
دوروا وابحثوا عن تاريخ تحتمس الثالث هتلاقو سيرته ما بتروحش من بالكم ابدا.
