تعرف علي تاريخ النوبة في عهد الفراعنة
الإثنين 26/أبريل/2021 - 05:25 م
نشرت صفحة تاريخ مصر القديم علي الفيسبوك، تدوينة بعنوان"النوبة مصطلح تاريخي واسع جدا بيسىء استخدامه او فهمه بعض الناس".
وإليكم نص التدوينة :-
مهم جدا نفرق بين المصطلح كتاريخ وبين اللى احنا فاهمينه دلوقت، يعنى النوبة ايام المصريين القدماء مصطلح بيشمل منطقتين رئيسيتين وهم النوبة السفلى أقصى جنوب مصر من بعد اسوان الشلال الاول وساعات التانى مصر والنوبة العليا شمال السودان، وشلالات النيل حاليا فى واحد فى مصر وخمسة فى السودان. فلما التاريخ يتكلم عن كلمة نوبة أو نوبى بشكل عام فده مختلف تماما عن مفهومنا دلوقت خالص.
ده غير الحبشة وبقية افريقيا دى قصة تانية.
يساء فهم المصطلح ده لما التاريخ يقول نوبة فيطلع حد مضحوك عليه يقولك ايه ده انتوا عاوزين تقولوا أهل اسوان مش مصريين؟
او يطلع حد وليكن حبشى يلعب على الحتة دى ويحاول يقنع الناس إن نوبة مصر أقربله هو.
مثلا عندنا الكاب فى اسوان فيها مقبرة مهمة أوى للجنرال المصرى احمس ابن ابانا اللى حارب جنب الملك احمس قاهر الهكسوس إبن ابانا ده عرف نفسه إنه مصرى وابن مصرى ومسقط رأسه كان الكاب نفسها، فالعبقرى اللى أساء الفهم ممكن بناء على المصطلح والموقع الجغرافى يعتبر ابن ابانا مش مصرى.
وعدم فهم البعد التاريخى ده أدى الى ان كل قارة افريقيا تقريبا بتتلزق فى تاريخ مصر وعاوزة تنسبه لنفسها..ليه بقى؟
