"رمسيس الثاني".. عندما اذل المصريين ملوك الحيثيين

من الحاجات الملفتة للنظر ان خاتوسيل اشتكى من التصوير المهين للحيثيين فى الجداريات المصرية والنصوص المتعلقة بمعركة قادش فمثلا جيش الحيثيين اتصور ملطخ بالطين وهو بينسحب عبر نهر العاصى، ابن عم موتالى امير حلب اتصور وهما قالبينه زيه القربة بيفضوا المياه اللى شربها وهو بينسحب عبر النهر، فى احد معارك دابور اتصور قائد مركبة حربية ورمسيس ضاربه سهم فى مؤخرته ده غير النصوص اللى كتبت عنهم الفاظ زى خسيس وخاسىء ودنىء ومهزوم وقايمة القتلى الى فيها قرايب موتالى نفسه ومنهم اخوه، وكمان مناظر قطع ايدين القتلى الحيثيين.

وعلى الرغم من توقيع معاهدة السلام ومن تزويج خاتوسيل بنته لرمسيس الا ان رمسيس ما غيرش اى حاجة فى النصوص ولا الجداريات وفضلت صورة قادش زى هى ، بل ان خاتوسيل فضل يزن على رمسيس ويقوله بنتى ما خلفتش منك ليه؟ رمسيس تجاهل دى كمان وشحن العروسة بعد كام سنة على الفيوم وما خلفش منها اى اطفال بل انه عمل نفس القصة مع العروسة الحيثية التانية اللى اتجوزها بعدها بكام سنة.