"تحتمس الثالث" أول إمبراطور حقيقى أخضع آسيا وافريقيا بقبضة من حديد
الجمعة 09/أبريل/2021 - 04:40 م
يعد تحتمس الثالث أول إمبراطور حقيقى أخضع آسيا وافريقيا بقبضة من حديد وعلى العكس من قدراته الحربية المذهلة إلا إنه كان ملك رحيم وعادل وده واضح فى وصاياه لوزيره رخميرع الرجل الثانى فى الإمبراطورية.
وقال تحتمس إن الوزارة منصب خطير لازم تاخد بالك منه، إسمع للى تعرفه واللى متعرفوش وما تردش شاكى قبل ما تسمع منه يمكن هو محتاج بس حد يسمعه، تحتمس وهو فى منتصف العشرينيات لما تولى عرش مصر منفرداً بقايا الهكسوس فى آسيا شافت فيه ملك ضعيف وصغير فى السن فبعتوا يهددوه بغنهم هيحتلوا مصر، هو ما استناش هما يججوا فراحلهم بنفسه وهزم تحالف مكون من 320 امير اسيوى فى معركة مجدر اللى بعدها بقى إمبراطور.
وعبر تحتمس بجيشه ممر إسمه عارونا وده ممر ضيق بيسمح بس بمرور افراد بأعداد قليلة تحتمس اصر يمر منه والجيش المصرى يفكك معداته ويعدى من الطريق ده، كل ما بفتكر إسم الفيلم العظيم "الممر" بييجى فى ذهنى ممر تحتمس الثالث لانه يستاهل يتعمل عنه فيلم، أعظم فيلم فى تاريخ مصر.
موميا تحتمس عثروا عليها فى خبيئة الدير البحرى سنة 1881.
