اعضاء هئية التدريس يطالبون بزيادة مرتباتهم اسوة بالقضاه ..كمال: مرتب طلابنا 10 اضعاف مرتبنا "عيب ياوزارة "
السبت 04/يوليو/2015 - 10:45 م
نشر الدكتور محمد كمال عضو هئية التدريس بجامعة بني سويف صورة وطالب من متابعيه بايجاد الفرق بين التصريح الاول وهو عدم زيادة مرتبات اعضاء هئية التدريس قبل عامين والتاني زيادة مرتبات القضاة واعضاء النيابة العامة بنسبة 30 % والتالت والرابع من ناحية تانية
قال عبر صفحته الشخصية علي موقع التواصل الاجتماعي " الفيس بوك " انا موافق ان يبقي مفيش زيادة زي الوزير ما قال ومش لمدة عامين فقط لا لمدة 4 اعوام كمان بشرط واحد بس اللى تم اعفائهم من الحد الاقصي اللى هو 8 اضعاف مرتبي ينزل مرتبهم يبقي زيي واللى زادوا 30% هما كمان مراعاة لظروف البلد تبقي مرتباتهم زيي ولا هي ظروف البلد دي مش بتيجي غير علي دكاترة الجامعة وبس ؟؟؟؟
مفيش حد وطني اكتر من التاني ومش عايزين مزايدات .....عيب لما يبقي طلابنا مرتبهم اكتر من 10 اضعاف مرتبنا واعبائنا اكتر منهم بمراحل ويجي حد يكلمني عن الوطنية وظروف البلد
عيب يا وزارة
