قدمنا فرصة أخيرة نحافظ علي اللي بنحبهم وحالنا مايقفش ونقضي علي الكورونا

وإليكم نص المنشور:-

الوضع فى مصر لسه ما قبل الانفجار ونقدر نسيطر عليه لو خدنا القرار

قدامنا فرصه نحافظ على اللي بنحبهم وحالنا ميوقفش ونقضى على الكورونا فى اسبوعين لو اتفقنا على 5 حاجات ...

1- حظر تجول شعبي ...
#مش . . . . هننزل الشارع من بكره ودى كانت خطة الصين عشان تقضى على الفيروس عن طريق ابقاء الوضع على ما هو عليه لمدة 14 يوم وده معناه ان الى هيخف هيخف لوحده من غير ميعدى واحد ممكن ميخفش او ينشر الوباء ودى وصية الرسول (ص) فى حالة الوباء.

2- تعقيم شعبي ...
الى بيعمله الجيش ممكن نعمله بسهوله
ببخاخه فيها ربع كباية كلور وملح وميه وخليها معاك ورش بيها طول مانت ماشى على اى حاجه ممكن تتلمس بالايد.

3- انشروا الايجابيات وموتوا الاشاعات ...
ده اكبر محفز لينا عشان يدينا امل نكمل وبلاش نشتم في الشعب لان للاسف كل الشعب بيشتم فى الشعب مع اننا فعلا اكتر شعب بيساعد بعضه فى وقت الازمات والى عاش بره يعرف كده كويس.

4- كولونيا 555 + صابون ...
دول ارخص معقم للايد اشتريهم وحطهم قدام البيت ليك قبل متطلع البيت ولأى واحد معدى حطهم جنب اى كولدير يعقم نفسه وداووا مرضاكم بالصدقه.

5- لو حسيت بالاعراض التزم البيت وكلم 105 ...

وافتكر ان اكتر من 95% بيخفوا لوحدهم لكن ممكن يعدوا ناس ميخفوش فكلم كل الى قابلتهم قبل متحس بالاعراض وحذرهم.

لو مشينا على الخطه دى هنبقى تانى دوله تنقضى على الكورونا فى اسبوعين بإرادة شعبها .. انتشار او انحسار
تحديث : المبادرة انتشرت ونقدر نفعلها من بكره والنهارده رئيس الوزرا أكد اننا نقدر نسيطر على المرض في اسبوعين قبل الانفجار