تنظيم "داعش " نزل يحتل مصر ..شاهد ماذا حدث لهم

بالرغم من الاحزان التي تعيشها مصر خلال هذه الايام بسبب ذبح ابناء مصر علي ايدي تنظيم "داعش " الا انا نشطاء مواقع التواصل الاجتماعي سخروا من "داعش " علي طريقتهم الخاصة وكان اطرف ما تم تداوله هذا الحوار الساخر

داعش نزلوا عشان يحتلوا مصر : اتزنقو على الدائرى..

واحدة شايلة قفة على دماغها بتقوله لداعشى :

والنبى يا ابنى خدنى معاك عبود..

الداعشى: بس يا ولية انتى مش عارفة احنا مين احنا جايين نحتل مصر

الست: طب وماله خدنى معك عبود ياخويا فى سكتك ينوبك ثواب

الداعشى: باقولك جايين نحتل مصر انتى مابتفهميش

الست: ياموكوس ماهو انت لازم تروح عبود اومال ها تحتل المحافظات التانية ازاى؟؟

الداعشى: بس ياولية غورى من هنا

الست : ضربة فى فخادك يابعيد وغارة تاخدك

الو.. ايوة يا شيخ بغدادى... لأ لسة احنا مزنوقين ع الدائرى زحمة قوى

البغدادى: دائرى ايه وزحمة ايه يابغل قولهم ان انتم داعش

الداعشى: ما انا قلت لهم لقيت واحدة بتقولى خدنى معاك موقف عبود

البغدادى : خوفهم اضرب كام قنبلة على كام رصاصة

الداعشى: والله عملنا كده فى اول الدائرى الناس وقفت تتفرج على القنابل

البغدادى: يخرب بيتك ألو الو

الداعشى: يا نهار اسود المصريين جايين يتصورو معانا سيلفى

البغدادى : ايه التهريج ده

الداعشى: استنى يا امير الدواعش اللى معايا فى العربية نزلو كلهم

البغدادى: نزلوا راحو افى انهى نصيبة

الداعشى: لقو المصريين ملمومين حوالين عربية كبدة نزلو ياكلو معاهم

البغدادى: يخرب بيوتكم والله لهاقتلكم كلكم

الداعشى: ياعم هو انت مش ها تتشطر الا علينا...

وادى الدقن!!!. وأدى العمــة.. ..!!!.. يالا ياحاجة..

عبود... عبود.. عبود.. عبود