هل يرحل جابر نصار بعد هذا الفيديو الفاضح ؟ .. الداخلية والتعليم التزامتا الصمت

تناقل نشطاء مواقع التواصل الاجتماعي فيديو منسوب لوزير الداخلية اللواء محمد ابراهيم يوجه كلمات قاسية الي الدكتور جابر نصار رئيس جامعة القاهرة ، خلال لقائه بمجموعة من ضباط الشرطة.

قال إبراهيم في تصريحات بثتها قناة "الشرق"، المحسوبة على جماعة "الإخوان الارهابية ": "أنا هسيبه لغاية لما يضربوا، ويقعد يصوت ويقول الحقونى ومش حلحقوا برضه". وأضاف إبراهيم متوجهًا إلى أحد الضباط - أثناء تظاهرات طلاب الإخوان فى جامعة القاهرة- ويدعى المقدم حسام حامد "أنا سايبه – فى إشارة إلى رئيس جامعة القاهرة- لأن لى موقف معه، وهو امبارح اتمسح بكرامته الأرض، وأنا يمكن خليت الإعلام داس فيه جامد". وتابع:" أنا سايبه لغاية لما يضربوا، ويقعد يصوت ويقول الحقونى ومش حلحقوا برضه، أنا نفسى أن جامعة القاهرة دى، ان الإخوان يخشوا فيها كلهم ويعتصموا عشان جابر نصار".

وحتي الان لم يصدر اي تعليق من قبل وزارة التعليم العالي او وزارة الداخلية حول حقيقة هذا الفيديو المنسوب لوزير الداخلية

قال الدكتور وائل بهجت عضو هئية التدريس بجامعة الاسكندرية علي صفحة نوادي اعضاء هئية التدريس علي موقع التواصل الاجتماعي " الفيسبوك " يا ترى د جابر نصار سمع الفيديو المسرب "المهين" بتاع وزير الداخلية ؟؟؟ ، ولو سمعه هيستمر برضه رئيس جامعة ؟؟!!!!

وعلق الدكتور وائل كامل عضو هئية التدريس بجامعة حلوان ، قائلا .. فين باقى رؤساء الجامعات .. و لا بيان إعلامى من وزارة التعليم العالى .. و لا رد قطاعات المجلس الاعلى للجامعات ...طيب شجب ...!! بلاش شجب حتى تكذيب .. !!بلاش تكذيب.. !!طيب بوست ولا تويته ... !! بلاش تويته ..!! طيب تصريح من مصدر مسئول مجهول ....!! علية العوض ومنه العوض ..

وقالت Dr-Marwa Abd El Motaal هو اشمعنى اتسرب الوقتى بالذات و مين اللى سربه ولا علشان هو الوحيد اللى اعترض بقوة و ابتدوا الاعضاء فى الجامعات يتكلموا عن ده و انه محترم و و احنا بقينا بلد ماشية بمبدأ مرتضى منصور مبدأ السيديهات اللى ينطق نحفر له و للا نظبط له سى دى

على فكرة انا ماشفتش الفيديوا بس اللى بيحصل يدل ان القانون هينفذ غصب عننا و مش هنقدر نعمل حاجة

بينما قال Maged Kamal انا شفت الفيديو ده اللي فيه الوزير بيقول انه حرض الاعلام علي رئيس الجامعة و كمان تسريب وزير الداخلية مع الضباط اللي بيقولهم فيه انه قبل قرايبهم ب 50% ورفض اخرين حاصلين علي 90% , اعتقد لوده حصل في اي بلد بتحترم الدستور و القانون كان اللي لازم يقدم استقالته هو وزير الداخلية