هذه نصائح اول ممتحن في مادة التخصص لـ "30 الف معلم " ..ماذا قال عن اسئلة الامتحان ومدته ؟
الإثنين 08/ديسمبر/2014 - 02:25 ص
تنشر "السبورة " نصائح احمد صابر اول ممتحن يؤدي اختبار مادة التخصص ، قال فيها الحمد لله انا امتحنت كله فى يوم واحد حتى التخصص شمال سيناء بس اللى امتحنت كله فى يوم واحد امتحان "التخصص " صعب جدا جدا زاكروا كويس يا جماعه انا جبت فيه 16 من 30 بالعافيه وكان صعب جدا وفى بنات كتير جابوا 6 و5 من 30 درجة في التخصص ، مش بقلقكوا ولا حاجه بس شدوا حيلكوا وزاكروا وان شاء الله بالتوفيق للجميع واسف للاطاله
اضاف عبر صفحته الشخصية علي موقع التواصل الاجتماعي التخصص جاء عبارة عن 30 سؤال بس وفى 35 اخر حاجه شوفتها كانت 35 والمدة ساعه ومش بتكفى ، انا مش بقلقكوا ربنا يوفقكوا بس حاولوا تفتكروا المناهج معظم الاسئله من اللى درسناها فى الكليه
اوضح في الانجليزى حاولوا تذاكروا فونتكس ربع الامتحان منها وبانكتيوشن وقواعد نص الامتحان جاى من منهج الكليه بس للاسف انا مزكرتوش كويس بس الحمد لله على كل حال حبيت ، وياريت تستفادوا من اللى وقعت فيه و الجرمر كويس ده يمكن هما اللى 16 درجه اللى جبتهم
نصح الممتحنين في التربوي ، قائلا ، تلت اسئله بيتكرروا تقريبا مع كل الناس اللى هو لو الطالب سألك سؤال زمعرفتش تجاوبه هتعمل اى ولو حصلت مشكله مع زمايلك فى المدرسه تتصرف ازاى ولو طالب نايم ما بيشتغلش وما بيشاركش تعمل معاه اى التلت اسئله دول كانوا عند كل اللى بمتحنوا النهارده
اضغط علي الرابط التالي وتابع هدية السبورة للمعلمين : جميع اختبارات التخصص "أون لاين " في مسابقة الـ " 30الف معلم "
