رسالة عتاب من الطالبة المتفوقة داليا مجدي لمحافظ الوادي الجديد

الطالب المتفوق هو درة النظام التربوي وهو عين الهدف الذي تسعي إليه وزارة التربية و التعليم و تكريمه يشعره بقيمة تفوقه و يجعل من تطوير نفسه هدفا حتى يستمر علي منصة التتويج .. ولكن خاب ظن أبنائنا في حفل تكريمهم في إدارة الداخلة التعليمية

تقول الطالبة المتفوقة داليا مجدي عن المذلة و الاهانة إلى حصلت فى حفل تكريم اوائل الثانوية على مستوى المحافظة الذي حضرة المحافظ

كرم الاول من كل قسم وسابنا ومشى مش كفاية انه خلى التكريم فى الداخلة مع انه اغلب الاوائل من الخارجة وقلنا ماشى مشينا الساعة 2 الضهر فى عز الحر والقرف وقلنا ماشى استنينا شهرين لحد ما فكر فينا وقال يكرمنا ومتكلمناش لكن يحضر الحفلة ويقعد يسمع للاغانى ساعتين ولما يجى وقت التكريم يقول مش فاضى ويكرم الاول من كل قسم ويسيب الباقى ولا يعبرهم ده كده كتير الصراحة احنا استنينا شهرين وهو مش قادر يستنى نص ساعة زيادة يكرمنا فيها ولما انسحبنا من القاعة بعتولنا شهادة التقدير فى الاوتوبيس وده شكلها طب ليه بيقللو مننا كده ليه يقول حفلة وتكريم وفى الاخر حتى الورقة دى مش هاين عليه يسلمهالنا بنفسه حسسنا اننا بنشحت مش اوائل كسر فرحتنا ليه لما هو مش هيكرمنا قال عليها ليه احنا كل الى كنا عايزينه نحس بتقدير مش اكتر وهو حسسنا باهنة لما مشى وسابنا ولا كرمنا فيه تكريم من محافظ يمشى المحافظ ومش يكرم الناس الى عاملينلهم الحفلة .

انتهت رسالة رانيا مجدي و نوجه رسالة من السبورة التعليمي للسيد المحافظ بتكريم الطلبة المتفوقين في مكتبه شخصيا و الاحتفاء بزهورنا اليانعة.