كمال:وصف كل سيدة نزلت للتصويت بانها "راقصة " وكل مسنة بأنها من جيل النكسة تبقي دي " وكسة "
الثلاثاء 27/مايو/2014 - 03:24 ص
قال الدكتور محمد كمال عضو هئية التدريس بجامعة بني سويف ..ايه كم السفالة والهجوم على من نزلوا للتصويت وادعاءات لا دليل مؤكد عليها كأن كل سيدة نزلت للتصويت رقصت بعده وكل من نزل للتصويت هم من كبار السن وهم جيل النكسة اللى ضيع البلد وان الشباب الابطال رفضوا ينزلوا يصوتوا
ا اضاف كمال عبر صفحته الشخصية علي موقع التواصل الاجتماعي " الفيسبوك " ..اولا: لا يملك اي شخص اي احصائية تثبت اعمار من صوتوا عايز صور تثبت ان اللي صوروا فوق ال70 هتلاقي عايز صور تثبت ان اللى نزلوا يصوتوا كلهم في العشرين هتلاقي
ثانيا: جبتم منين كم الوقاحة دي للهجوم علي من هم فوق الثلاثين وكأن من هم تحت العشرين هم من يملكون الحقيقة المطلقة ومن حقهم وحدهم تحديد مصير البلد ؟
وايه كم قلة الادب دي على كبار السن ؟
كبير السن ده يا حبيبي هو اللى بيصرف عليك لغاية دلوقت وهو اللى دافع العشرين جنيه تمن وصلة النت وجايب لك الكمبيوتر ولا اللاب اللى بتشتمه من عليه دلوقت
ثالثا: هو كبار السن دلوقتي بقوا كخة وايام حكم الاخوان وايام دقن وجلابية العسكر مية مية وبالروح بالدم نفديك يا مشير كانوا عسل زي ما باين في الصور كدة ؟
رابعا: الفيديو الاهبل اللى بتنشره رصد وكل المواقع التابعة لها عن التزوير تحت عنوان الجيش يزور الانتخابات لا يوجد به اي دليل على الاشخاص او المكان ووارد جدا تكون من البطاقات اللى اتسرقت وسهل جدا يتعمل فيديو زي ده
