استاذ جامعي يضع امتحان استرشادي ..كله خارج المنهج !!

نشر الدكتور محمد كمال بوست علي صفحته علي الفيس بوك قال فيه"بعد ما نزل فعلا موعد بدء الامتحانات ده نموذج للامتحان يمكن الاسترشاد به غير اللى فات وكل واحد يظبطه مع نفسه:

اسئلة للمساعدة اجباري وممنوع الغش فيها:

1 - اكمل العبارة التالية (يعتبر مسلسل مهند و ....) من اشهر المسلسلات التركي.

2- من اهم مرشحي الرئاسة المصرية المشير عبد الفتاح ......

3- النادي ..... هو أعظم نادي في الكون (اللى هيكتب غير الاهلي هيسقط)

اجب عن 7 اسئلة فقط مما يلي اختياري:

1- ما هو اسم الكلية والجامعة ؟

2- هل اسم المادة فلسفة اخلاق ولا فلسفة قيم ؟

3- المادة بتتدرس كام مرة في مرحلة الليسانس وفي اي ترم ؟

4- اذكر اسم رئيس القسم والعميد ورئيس الجامعة ايه ؟

5- اكتب اسم المجلس اللى بيتولي التعليم واتخذ قرار تقديم مواعيد الامتحانات كدة ايه ؟ (مسموح بكل انواع الشتايم وفي الاخر تستغفر ربنا)

6- ايه رايك في دكتور المادة ؟ (أي تيت مش هيقول اني احسن دكتور في الدنيا وعلامة العصر والأوان وكل زمان يعمل حسابه يعيد السنة عشان يعرف الكلام ده كويس).

7- سؤال للمتفوقين والمتميزين: اذكر اسم بنتي البلطجية اللى كل شوية بنزل صورها على الفيس ؟