فيديو..أحمد شفيق: ترشح السيسي للرئاسة جهل وقلة خبرة

أذاعت شبكة رصد عبر موقعها الإلكتروني، تسريبًا جديدًا نسبته للفريق أحمد شفيق المرشح الرئاسي السابق وهو يتحدث عن المشير عبدالفتاح السيسي وزير الدفاع.

قال شفيق في التسجيل: "وأما الساحة تفضى ليه.. أحسن.. مش أحسن يعني منظر سيئ آه منظر ليس له سابقة يعني جهل غريب جدا. هو نفسه وقف قبليها في مؤتمر كده قال أنا مش حترشح غير لو الشعب رشحني والجيش رشحني".

وأضاف شفيق: "برضه كلام غريب جدًا يعني كلام صادر منه هو من الأول غلط.. يعني فيه حاجة اسمها الجيش.. يعني جهل غريب بالأمر شويه.. الجيش يرشحني وبعدين يطلع الجيش يرشحه ويعملوا اجتماع يطلع في الصور عشان يرشحوه قلة خبرة غريبة جدا الحقيقة".

وقال شفيق: "مصيبة كمان قال المجلس العسكري ده شيء يعني مش عارف .. أنا بنفسي طلعت نفسي من الدايرة دي لأنها حتبقى مهزلة شوية".