بعد طالبة الـ 7%.. طالب حاصل على 11 % يستغيث بوزير التعليم"الورق مش ورقى"
الخميس 25/يوليو/2019 - 05:47 م
مصطفى أحمد صالح محمود حصل 11 % فى الثانوية العامة
ويروى احد اقارب مصطفى ماحدث :
مصطفى أحمد صالح محمود (ابن عمي) عند استعلامة عن النتيجة على الموقع وجدنا حصولة على 11 % طبعًا قولنا أكيد الدرجات نزلت علي الموقع غلط ونستنى الشهادة بتاعة المدرسة تاني يوم.. جبنا الشهادة لقيناها نفس الدرجات.
توقعنا إن كراسات إجابته اتبدلت سواء بدون قصد أو متعمدة فعملنا تظلم في الأربع مواد العلمية.
بالفعل روحنا امبارح المدرسة السنية بالسيدة عائشة للاطلاع على كراسات الٱجابة.. دخل مصطفى واخوه(محمود) لمراجعة كراسات الإجابة فلقوا أن التيكت المكتوب عليها الاسم ورقم الجلوس بتاعته وبخطه.. ولما فتح كراسة الإجابة لقى إن الكراسة لا تخصه والخط ليس خطه.. لقى بالكراسة حد حالل بخط كبير"مصطفى خطه صغير" واجاباته كلها غلط وكلها عليها علامة اكس(غلط) من المصحح.
قاموا بعمل مذكرة لرئيس لجنة التظلمات ومضى عليها هو وأ أخوه... رئيس اللجنة قالهم:
أحنا هنعملك المذكرة بس مش هتستفادوا حاجة.
بالرغم إنه شايف إن الخط اللي على التيكت مختلف تمامًا سواء في الحجم أو الشكل عن الخط داخل كراسة الإجابة.
وعليه أحنا هنكمل ونعمل تظلم في الثلاث مواد الباقية، وهنبعت فاكسات بشكاوي للوزارة ولكل جهة متاح نبعتلها + وإن شاء الله .
