مش عايزين قرارات - عايزين رؤية
الثلاثاء 07/نوفمبر/2017 - 09:17 م
أصعب شىء لما تكون ليك رؤية ومش لاقى حد مطبقها . الرؤية لو خاصة ح انساها لكن دى رؤية عامة . احنا ف وزارة محتاجة أن يكون فيها قسم التخطيط هو قسم ذو رؤية مستقبلية وليس انه يقوم بجمع بيانات عن الوضع الراهن . أين الاستعداد للمستقبل القريب وليس البعيد . مثال بسيط فى سياسة الجزر المنعزلة بين مختلف ادارات الوزارة . قرار 377 نص على ان تكون مادة الرياضيات 3 فترات بالتعليم الاعدادى بدلا من فترتين ونصف ف هل مصدر القرار يعلم أن كثير من المديريات تعانى من عجز أصلا فى تدريس الرياضيات وخاصة سوهاج والغربية . ازارى تزود نصف فترة وانت عندك عجز فى التدريس ومع ذلك تراجعت الوزارة . انت ازاى عايز الناس تثق فيك وانت كل شوية مشكوك فى استمرار قرارك . بلاش عن الوضع الراهن وانظر للمستقبل القريب الترقيات المرتقبة والتى يتم اجراء تدريباتها حاليا ستسفر عن عجز 40 الف معلم على الأقل و ح تقولى ليه . الرد هو ان الترقيات سينتج عنها انخفاض أنصبة المعلمين من الحصص وبالتالى انت محتاج اللى يسد العجز ف ما هى استعدادتكم . عندك 30 الف معلم سيحال للتقاعد فما هو استعدادكم لذلك . انت محتاج سنويا الى فصول جديدة بالآف لمواجهة الزيادة لسكانية فما هى رؤيتكم بعيدا عن الموازنة العامة وكيف يتم الترشيد . احنا عايزين عقول قيادية تحمل رؤية وليس افكارا تشتت المجتمع . أين زمن القيادات المبدعه التى تعمل فى صمت .
