الى طارق شوقى.. تعنت مسئولين مع "ياسمينا".. من المنوفية و"راحة اسيوط" للدراسة فى مدارس المتفوقين
الأربعاء 20/سبتمبر/2017 - 01:46 م
عندها يادوب ١٥ سنة.. وفي الإعدادية جابت ٢٩٩ من ٣٠٠ متفوقة جداً جداً.. المهم ان وزارة التعليم عاملة ١١مدرسة للمتفوقين على مستوى مصر.. مسمية المدارس دي. " stem ".. المهم ان ياسمينا واخدة إعدادية من الوادي الجديد لان أسرتها اصلا من المنوفية وطبيعة شغل والدها ودته الوادي.. المهم ان ياسمينا قدمت عشان تلتحق بالمدارس دي.. وقبلوها في مدرسة اسيوط..عشان ما يسمونه "التوزيع الجغرافي".. والدراسة خلاص هتبدأ.. ووالدها خلاص هيرجع لمكانه في المنوفية.. ومينفعش يسيب بنت عندها ١٤ سنة ونص.. تتغرب كده في مدرسة بعيدة عن بيتهم حوالي ٦٠٠ كيلو او اقل شوية.. وقدم طلب لوزارة التعليم.. ودكتورة اسمها اماني مسئولة المدارس دي.. والست اماني رأسها والف سيف ان البنت ما تننقل وتكمل في اسيوط وهي من المنوفية.. يمين ..شمال ..مفيش
..عيب والله
هل بالتعنت ده احنا بنشجع ولادنا ونحببهم في التعليم وفي المدارس
هل عقلية زي عقلية الدكتور اماني لازم تكمل في مكانها.. دي لازم تتفور من الوزارة.. وتقعد في البيت
هل بنعاقب طالبة لانها تفوقت
هل نعاقبها انها تغربت مع اسرتها ووالدها اللي كان في الوادي الجديد !!
هل الدكتور طارق شوقي وزير التعليم يصمت على هذا التعنت ..لا أظن ان رجلاً بعقلية طارق شوقي يرضى بهذه الهرتلة
