الخطايا العشر في تصريحات وزير التربية والتعليم لجريدة أخبار اليوم
الخطايا العشر في تصريحات وزير التربية والتعليم لجريدة أخبار اليوم
1- اول القصيدة كفر يقول الوزير الحقيقة ان كل الذي أتحدث عنه من مظاهر تطوير ليس لدي ميزانية لتحقيقه ـ
ولما انت مفيش عندك ميزانية لاي حاجة امال
كل كلامك ده ايه وليه ؟
2- يقول الوزير لاأستطيع أن أضحك علي الجميع
وأقول ان مصر دولة رائعة وبلد جميل ونتصف بالشهامة
والله مصر دولة اكثر من رائعة واهلها اكثر
ناس عندهم شهامة لكن المسئولين اللي في مكاتبهم المكيفة وعايشسين حياتهم كلها في الخارج
وقرفانين ينزلوا المدارس هم اللي مش عارفين قيمتها ولو مش عجباك بقولها لك زي ما بيتقال
لغيرك سيبها وامشي يا سيدي
3 - يقول الوزير لم يعد هناك شئ »ببلاش»،
وأنا أستنكر المدرس الذي لايهمه سوي زيادة راتبه ويعلو صوته مع أنه غير كفء، وأنا لست
في حاجة إليه، ونصف الوزارة إما حرامي، والنصف الثاني حرامي ومش كفء أيضا.
ولما هو مفيش شئ ببلاش امال عايز المدرس
يشتغل بمرتب هو والبلاش شئ واحد ليه ؟ ولما هم حرامية انت عملت ايه ؟ اتفرجت علي الحرامية
وبتساعدهم وعايز تقنن الدروس الخصوية وتقسم معاهم ليه ؟
4- يقول الوزير عن تضارب مواعيد الدراسة
بين الجامعات والمدارس انه اتفق مع وزير التعليم العالي علي بدء الدراسة في 23 سبتمبر
لكن وزير التعليم العالي تراجع في كلامه.
الصحيح ان مادة 62 من قانون تنظيم الجامعات
تنص على أن تبدأ السنة الجامعية في السبت الثالث من سبتمبر أي ان وزير التعليم العالي
التزم بالقانون وبدء الدراسة في موعدها الطبيعي.
5- يقول الوزير أنه أجل الدراسة الى 23
سبتمبر من أجل إستكمال صيانة المدارس وإستكمال تجهيز المدارس الياباني التي ستبدأ الدراسة
بها لأول مرة في تاريخ مصر هذا العام.
والصحيح انه قال امام الرئيس في كلمته في
مؤتمر الشباب بالاسكندرية في 24-7-2014 وتحديدا الدقيقة السادسة و 50 ثانية انه سيتسلم
المدارس اليابانية في 15 اغسطس وسينتهي من فرشها خلال اسبوع لتكون جاهزة لبداية الدراسة
https://www.youtube.com/watch?v=p2jKKczC2lY
6- يقول الوزير انه سيقضي علي الحفظ ثم
يعود ليقول انه سيتم وضع امتحانات نموذجية لتدريب الطلاب عليها . يقول انه يريد القضاء
علي الدروس ثم يعود ليقول ان الطالب يمكن ان يدرس مع المدرس خارج المدرسة اذا كان يريد
التقوية في مادة ما ......عروستي
7- يقول الوزير انه سيتم عمل سناتر بنظام
مختلف خارج المدارس لتقوية الطلاب ونسي الوزير ان ذلك هو الدروس الخصوصية وان كان يجهل
فهناك قرار رئيس مجلس الوزراء رقم 428 لسنة 2013 باصدار اللائحة التنفيذية للباب السابع
من قانون التعليم الصادر بالقانون رقم 139 لستة 1981 المضاف بمقتضي القانون رقم
155 لستة 2007 المعدل بالقانون رقم 93 لسنة 2012 المادة (5) وكذلك ص القرار الوزاري
رقم(592) بتاريخ 17 / 11 / 1998 بشأن الدروس الخصوصية لمادة الآولي وتصل العقوبة الى
الفصل
8- يقول الوزير سنعتمد في الثانوية العامة
علي بنك المعرفة ـ بدلا مما نهدره كل عام علي طباعة كتب تصل تكلفتها إلي 2 مليار جنيه
سنويا ولايستفاد بها وينتهي بها الأمر أن الطلاب لايفتحونها ويشترون بدلا منها كتبا
خارجية لأسباب كثيرة،
بنك معرفة ايه يا سيادة الوزير وانت الغيت
الكمبيوتر كمادة مجموع لعدم توافر اي امكانيات بالمدارس ام انها ستكون ايضا في سناتر
الدروس التابعة لك ؟
وبدل ما تلغي الكتاب والطالب يلجأ للكتب
الخارجية اعمل كتب محترمة بدل المجاملات اللي وزارتك غرقانة فيها
9- يقول الوزير ليست مشكلة أنني لم أزر
مدارس في مصر أومحافظات لكنني زرت كثيرا من دول العالم ومدارسها علي مدي عشر سنوات
في اليونسكو وواقعها مثل واقع مصر تماما
يعني زرت كثير من دول العالم ومش عايز تزور
مدارس الدولة اللي انت مسئول عن تعليمها ؟ ايه الجبروت ده خلاص سيادتك روح وزير تعليم
في اي دولة من الدول اللي تعبت نفسك وزرتها واحنا عايزين وزير يلف مدارسنا احنا بواقعنا
احنا
10- يقول الوزير بالنسبة للخبراء الذين
إستعنت بهم فهم مجموع من الخبراء العالميين في هذا المجال من الشباب المصري الواعد،
ومتعلمين في أرقي دول العالم،
وطبعا كلنا عارفين ان من الخبراء العالمييين دول الخبير العالمي مصطفى مجدي الطالب بالأكاديمية البحرية وصاحب حملة ادعموا طارق شوقي وغيره من الخبراء
