آااااااااااااه.. لو تم انهاء ندب اى معلم بالمديريات....؟
الجمعة 25/أغسطس/2017 - 12:53 ص
لو طبقنا شعار اخلع ردائك الحزبى داخل الحرم المدرسى
لو منعنا أصحاب النفوذ والسلطه الحصانات الدبلوماسيه من التدخل فى العمليه التعليميه
لو بطلنا نجرى وراء أصحاب النفوذ والسلطه والحصانات الدبلوماسيه اعتقادا منا بأن بأيديهم النفع أو الضرر
لو تم انهاء ندب اى معلم بالمديريات والادارات فيما عدا الحالات المرضيه والمستبعدين أمنيا
لو تم توزيع المعلمين توزيعا عادلا بين الادارات وتم سد العجز فى هيئة التدرس
لو استبعدنا كل من ارتكب مخالفات ماليه أو اداريه أو ارتكب جريمه اخلاقيه أو شبهة سرقه أو فساد من الوظائف القياديه أو الاشرافيه وتم تحويله لوظيفه اداريه
لو تعاون المعلمين بكل مدرسه والتزموا بتنفيذ الضوابط والقرارات
لو طبقنا القرارالوزارى رقم 53 لسنة 2016 الخاص بالمجموعات المدرسيه
لو تم تأجير الجمعيات التعاونيه بالمدارس للصرف منها على النظافه وتشغيل عمال وللصيانه السريعه وعمل وسائل تعليميه
لو كل طالب سدد المصروفات استلم ايصال 123تربيه وتعليم
لو التزم الطلاب بتعليمات المدرسه وبطلنا الاعتماد على الغش
لو بطلنا ناخد تبرعات اجباريه من أولياء الامور
لو بطلنا نجمع طوابع بريد بالعنوه والاجبار من أولياء الأمور
لو التوجيهات الفنيه والماليه والاداريه شافت شغلها صح
لو ادارات المتابعه نقلت الواقع لقيادتها وصورت لقطه طبيعيه فى كل زياره
فى الغالب الصوره هتكون أحسن ..... وللحديث بقيه
هذا وبالله التوفيق والله من وراء القصد
محمود الاشقر
