رسالة من طفلة للرئيس" السيسي" هذه الطفلة أبوها مرتبه متجمد على أساسي 2014
الثلاثاء 07/فبراير/2017 - 02:49 م
نشر احدى نشطاء مواقع التواصل الاجتماعى"فيس بوك"، رسالة للرئيس عبدالفتاح السيسي
محمد زهران
2 ساعتان
رسالة من طفلة لعمو السيسي !!!
إحساس لا تستطيع أن تصفه ، عندما تصحو على صوت طفلة لم تتجاوز الست سنوات وهي مصرة أن تحكي معك ، وإذا بها تقول لك : فاكر يا بابا ؟ !!! ، ثم تُكرر لك السؤال :
- فاكر يا بابا لما كنت بتجيب لنا الموز اللي أنا بحبه ؟ !!! .
- فا كر يا بابا لما كنت بتجيب لنا التفاح والفراولة ؟ !!! .
- فاكر يا بابا لما كنت بتجيب لنا الجبنة الرومي والنيستو ؟ !!! .
- فاكر يا بابا لما كنت بتصحيني وتديني الشيكولاته والحاجات الحلوة ؟ !! .
- فاكر يا بابا لما كنت بتجيب لنا فراخ كتير ؟ !!! .
- فاكر لما كنت بتجيب لنا عصير المانجه ؟ !!! .
- فاكر لما كنت بتتحايل عليَّ أشرب كوباية اللبن بتاعتي ود لوقتي ما بتسألش أنا شربت اللبن ولاَّ لأ ؟ !!! .
- فاكر يا بابا لما جبت لنا اللبس الشتوي من زمان ؟ !!
- قلت لها : فاكر طبعاً الكلام ده من سنتين تقريباً ؟!!! .
- طيب ليه ما بقيتش تجيب الحاجات دي زي زمان ؟ !! .
- قلت لها : أصل عمو السيسي ما بيدناش فلوس ؟ !!! .
- طيب ما تتصل عليه وتطلب منه فلوس ؟ !!! .
*** فكتبت للرئيس رسالتها ، لعله يقرأها ، أو تقرأها الجهات السيادية ويبلغوه بها .
• هذه الطفلة أبوها مرتبه متجمد على أساسي 2014 !!! ، يعني منذ ثلاث سنوات لم يزد جنيه واحد !!! ، وقالوا هيزودوه السنة دي : 10 % على أساسي 2014 ولم يزودوه !!! ، وبيستعبطوا وعملوا إنهم مشغولين بقانون التعليم !!! ، الأعجب إنهم خصموا منه : 10 % على أساسي 2016 ضرايب ؟ !! ، وله 200 % حافز من سنة 2008 ووزارة المالية ودن من طين وودن من عجين ؟ !!! .
هذه رسالة مفتوحة من : جنى محمد زهران لعمو السيسي لعله يقرأها ، أو يقرأها أحد رجاله ويخبره بها !!! .
دكتور محمد زهران ..
