عايزه اتبرع باطفالي لـ " السيسي "

انا مش الحاجه زينب علشان اتبرع بحلقي

ولا انا الست مني اللي بتلف تبيع جمله

السيدات الفاضلات اللي السيد الرئيس قدر مواقفهم وقابلهم

انا بقه مجرد ام مصريه بس عايزة اتبرع بولادى للسيد الرئيس عبد الفتاح السيسي اه مستغربين ليه عايزة اتبرع بيهم واستثمر سنين عمرى فيهم

بس السؤال هو الرئيس هيقبل اني اتبرع بيهم

اكيد هيسأل نفسه هو انا هستفيد ايه منهم لو قبلتهم هديه

طيب بص يا ريس لو مش هتستفيد بيهم اتنازل عنهم لمصر

واوعي تقولي مصر هتعمل بيهم ايه ما هما حاملين الجنسيه المصرية اى والله بيتعلموا في مدارس مصريه

يعني من الأخر made in egypt

فكر كدة هتلاقي نفسك مش مستفيد منهم ولا انا عارفه استثمر سنين عمرى فيهم عارف ليه ياريس

علشان بسبب تشويه كل شئ قصاد عنيهم كرهوا بلدهم وحياتهم وتعليمهم ومش في رؤية لأى مستقبل متوقف علي تنسيق ظالم

علي مناهج عقيمه علشان الفكر عقيم

انت قلت قبل كدة هيعمل ايه التعليم في بلد ضايع

ماهو اللي ضيع البلد أن مفيش تعليم

واللي ضيع اجيال ولسه هيضيع اجيال مفيش تعليم

يرضيك يا ريس ولادك اما كارهين او بلطجيه او عوطليه او مدمنين او مرضي بأمراض مستعصيه الا من رحم ربي

نظرة لولاد مصر يا ريس انتم السابقون وهم اللاحقون

ينفع يكونوا زائلون قبل حضروهم

وجه ميزانية الدولة ياريس التعليم والصحه علشان تكون مصر أم الدنيا قولا وفعلا

وانا لسه بقدملك عرض التبرع بأولادى فكر ورد عليه

* كاتبة المقال 

مني ابو غالي 

مؤسسة جروب التعليم امن قومي وادمن حملة منهجكم باطل