تعرف على رسالة السيسى للهلالى الشربينى فى مؤتمر الشباب "التعليم المدمج..رؤية جديدة للتعليم"
الثلاثاء 25/أكتوبر/2016 - 07:12 م
وجه عبدالفتاح السيسى رئيس الجمهورية رسالة الى الدكتور الهلالى الشربينى، وزير التربية والتعليم والتعليم الفنى أثناء حواره وكلمته التى ألقاها فى المؤتمر الوطنى للشباب المقام فى شرم الشيخ، "أنا بقول للدكتور وزير التربية والتعليم، أنا مش عايز فقط عقل متعلم، أنا عايز إنسان، أنا قعدت 3 ساعات في مدرسة ابتدائي في دولة أخرى ولقيت التقنيات دي مش هي اللي بيتم فقط بيها التعليم، أنا لقيت بيعلموا إزاي السلوكيات، عملوا برنامج إزاي أخلي الطالب يعتمد على نفسه، إزاي يبقى قائد، يحترم الآخرين.. قعدت 3 ساعات أتفرج عليهم إزاي بيحولوا الفكرة لإجراءات اتنفذت في الفصل اللي كان فيه 20 طالبا، لو اتكلمنا على 20 طالبا في مصر محتاج مليون فصل، منين وبكام؟، ولو قلت هأخليهم على 4 مراحل فأنا محتاج 250 ألف فصل، أنا عندي ده؟ لأ، أقدر أعمل ده؟ لأ، لأن حتى المتاح من الموازنة كلها ميقدرش يعملي كده».
