قرار الجودة ..دماغ جامدة

القرار الصادر من المجلس الأعلى للجامعات عن الجودة لعبة واحد معلم احترمه وارفع له القبعة.. ضرب كذا عصفور بحجر واحد

اولا شغل الكل والرأي العام عن موضوع ترقية درجة الوزير بالمخالفة للائحة الترقيات وبالتالي تختفي شبهة الفساد و ده الهدف الاساسي

ثانيا وضع الأساتذة في مواجهة مع الرأي العام اللي هيقرا انهم زادوا المبالغ دي وهيضمنا للفئات المحظوظة مثل القضاء وغيره

ثالثا القرار غير ملزم بأي زيادة بافتراض أن ده المقصود من القرار لأنه لم يحدد من أين الموارد المالية لصرف الزيادة لو كانت هناك زيادة و تدبير الموارد المالية اول خطوة والناس اللي شاركونا رحلة الكفاح يفتكروا أن تدبير الموارد المالية عطل قرار بدل الجامعة شهور لغاية ما تم إدراج المبلغ المخصص لها في الموازنة العامة من الخزينة العامة... و موازنة هذا العام لم يدرج فيها أي زيادة لنا.

رابعا الضربة القاضية أن القرار بيقول ان يكون بدل الجودة للعام الدراسي القادم كذا يعني هو ده مبلغ الجودة.. والمبالغ الموجودة أقل من الحالية وبالتالي يبقى الاختيار بين نثبت مرتبك ولا نطبق القرار ومكتبة يقل... ولو اعترضت تبقى مش بتحب البلد.

بجد شابوه للي فكر في القرار بالسرعة دي وبالطريقة دي.