حوار مع "الحمار "
تلقيت رسالة من احد قيادات التعليم عبر "الفيس بوك " وعاتبني لنقدي لمنظومة التعليم
، وبدأت الحوار معه عن تطوير التعليم وبعد هات وخد ، قال لي أن التعليم في مصر متميز
ولابد ان نشكر القائمين عليه ..
ضحكت من حديثه ..
قال ..انت بتضحك ليه ..
قولت ..حال التعليم لايسر عدو ولا حبيب
قال ..يأ اخي الله أنت مدفوع من بعض الجهات
لتدمير كل شئ حلو
قولت ..استحالة يا .....
قال .. بلاش تبيعوا البلد بشوية فلوس
قولت .. فلوس أزاي يا أخي
قال.. انا عارف ان خلفك مافيا وبتدفع لك
قولت ..طيب ان شايف كدة تمام وربنا يسامحك
قال...عيب يا أستاذ وبص علي حال غيرنا زي
تشاد والنيجر والسودان وقول الحمدلله
قولت ساخرا منه الحمدلله
قال ..احمدوا ربنا وبلاش افترا علي تعليمنا
قولت ..الحمدلله
قال ..انت " أخواني "
قولت ..ماشي يا عمنا
قال ..ان شاء الله مصيرك جنهم
قولت ..له شكرا
قال..اللي زيك عار علي المجتمع
قولت ..طيب اعمل ايه علشان ابقي مواطن صالح
قال ..شارك في بناء المجتمع
قولت ..أزاي
قال ..بلاش تهد كل حاجه حلوة
قولت..أيه الحلو
قال..الوزير وكل قيادات الوزارة مش بتنام
علشان خاطر أولادك
قولت ..ولا تزعل نفسك ح اعلم اولادي في
تشاد أو النيجر أو السودان كده مرتاح
قال ..لو عملت كده ح تعرف قيمة التعليم
في مصر
قولت ..وعلشان أخلص منه وصيامي ميضعش قولت
خلاص ح اعملها يا عمنا واقولك تعليمنا احسن تعليم وقيادات الوزارة الله يكون في عونها
..وانت لك حد في الثانوية
قال ..اه
قولت ..مين
قال ..ابنك
قولت ..انت راضي عنه
قال ..لا
قولت ..له ليه
قال..حمار ومش بيفهم
قولت ..أكيد ح يطلع من الاوائل
قال ..أن شاء الله وانت أيه اللي يزعلك
في كدة
قولت ..ربنا يكرمه وانا عايز اقفل الان
قال .. انت اتزنقت
قولت ..ليه
قال.. لانك ضعيف الحجة
قولت ..ماشي
وقفلت وضحكت في نفسي وقولت فعلا لازم ابنك يطلع حمار لان ابوه حمار
