الحاجة زينب: فداك دشليون حلق يا محمد يا زهران!!!
السبت 11/يونيو/2016 - 02:22 م
والله ياست زينب أنا أولى بالحلق من الصندوق ، أنا مش عارف أكمل شهر رمضان إزاي ؟ !!! ، أنا نزلت السوق إمبارح لقيت الفراخ نار ، واللحمة نار والخضار بعيد عنك وعن السامعين جهنم !!! ، وداخل علينا عيد ، والعيال محتاجه لبس العيد ، وكعك العيد ، والعيدية ، وبعدها لبس المدارس ومصاريف المدارس !!! ، والحكومة خصمت نص مرتبي بحجة إن أنا بتكلم عن الفساد في وسائل الإعلام !!!! ، بذمتك يا حاجة زينب أنا أولى ولا الصندوق ؟ !!! ، أنا عارف إنك لوعرفتي ظروفي هتديني الحلق وهتقولي : فداك دشليون حلق يا محمد يا زهران ، وأنا والله مش طماع ، مش عايز غير حلق واحد يا حاجة زينب !!!! ، إنما الصناديق بتيجي وبتروح !!! .
دكتور محمد زهران ....
