حبيبى الرئيس.. شكرا من القلب

سيدى الرئيس.. كل يوم بيعدى.. بتزيد غلاوتك عندى.. واحبك اكتر واكتر.. ولما اتكلم عن بلدى مصر ام الدنيا.. بتكلم عن حب ومن القلب وليس لطلب شىء.. لأن هذه المرحلة تتطلب ان تقول الخير او تصمت وتوفر الهدوء لصانعى القرار.. لان دى بلدنا ومفيش مكان تانى يسعنا ويحتوينا سواها.. احنا اهم مكان فى العالم.. احنا اللى قلنا لقوى الشر - لا والف لا ومش ح يحصل اللى عايزينه مننا.. واحنا اللى قلنا ليهم سيناء خط أحمر.. حضرتك قلت.. انا ح افضل ابنى واعمر.. وقلت اشتغلوا وانا معاكم.. ربنا يقويك ويحميك.. شكرا سيدى الرئيس.. شكرا كتير جدا.. كلنا معاك ان شاء الله.. ولما نتكلم من البداية نفتكر:-

١- الاخوان الهاربين بالخارج.. اللى عايشين فى حماية قوى الشر العالمية.. مين اجبرهم يقولوا نحن نساند القيادة المصرية فى موقفها الحالى من أزمة الشرق الأوسط... ولا تفريط فى اى شبر من أرض مصر وقالوا نحن ندعم الموقف المصرى ودى بلدنا. قالوها من داخل بلاد الشر المستضيفة لهم.. دا نجاح جاى لينا هدية من فوق سبع سموات.
شكرا من القلب يا عزيز مصر..

٢- القوة المصرية الكبيرة الرادعة والجاهزية الدائمة لأى عمل يتطلب الصد والردع ودليل ذلك منع طائرات الدول الكبرى المحملة بالذخيرة من المرور بالاجواء المصرية.. قرار يدل على جاهزيتك وقوتك وقدرتك على التصدى والردع.. شكرا من القلب لأن الحدث ده تاريخ لوحده.

٣- تنويع مصادر التسليح وشراء السلاح وعدم الاعتماد على كيان واحد فقط لشراء السلاح.. احنا عملنا على تنويع مصادر شراء السلاح وادخلنا تكنولوجيا صناعة بعض الأسلحة الحديثة إلى مصر.. وبقينا أصحاب كلمه وقرار وسيادتنا كاملة فى البر والبحر والجو.

٤-  اشتغلنا بثقة فى أنفسنا وفى قدراتنا وجعلنا العالم يأتى الينا ليستعين بحكمة وقدرة مصر على حل مشكلات الشرق الأوسط لدرجة ان قيادات دول صرحت للإعلام العالمى انهم فى انتظار خطة مصرية لحل مشكلة الشرق الأوسط. 

٥- اسألوا كبيرهم.. رئيس المجلس اليهودي العالمى جاء لزيارة مصر.. ليخرج منها قائلا عن ازمة الشرق الاوسط.. لابد من حل الدولتين.. هل اجبرناه ؟ 
حكمة مصر وقيادتها اقنعوه يستمع لنصيحة مصر وقرارها. 
شكرا من القلب يا عزيز مصر 

٦- سيبنا من كل اللى فات وتعالوا معايا.. شوفوا مصر اللى متحمل اقتصادها اللاجئين وكيلو الطماطم ب جنيهين وتلاته حاليا.. البطاطس ب ٦ جنيه والخير كتير.. وانت قاعد ع القهوة تتفرج على المباراة.. وانت نايم فى بيتك عايش فى امان  .. وانت بتتفرج ع الاخبار وبتشوف تعمير لحظة بلحظة ف مصر.. بينما كل اللى حوالينا عايشين خراب وجايين عندنا طالبين يعيشوا فى أمان مصر والمصريين..وخير مصر على الجميع.. شكرا يا عزيز مصر 

٧- وفى ظل الظروف الصعبة عالميا.. يأمر سيادته الحكومة بتجهيز حزمة اجتماعية لدعم الموظفين وأصحاب المعاشات وغير القادرين.. وهى اقتربت من التطبيق.. شكرا يا عزيز مصر.

لذلك اقول.. شكرا سيدى الرئيس.. ربنا معاك.. يقويك.. يحميك.. يحفظك لينا دايما بكل خير وسلام.. تحيا جمهورية مصر العربية.