400 الف معلم مدرجين فى ملف الترقى
الخلايا السلبية وأزمات المعلمين.. مين يحلها ؟
الخلايا السلبية وأزمات المعلمين.. مصر بلدنا اللى بنحبها ونخاف عليها. مصر اللى احنا عايشين فيها وليس لنا سواها. مصر بلدنا اللى احنا بنعبر فيها عن الرأى بكل حرية ومن داخل بلدنا بنتكلم.. اليوم نتحدث عن موضوعات شائكة موجودة على مواقع التواصل وممكن الاعداء او الخلايا النايمة او السلبية تستغلها لعمل ارتباك. من هذه النقاط:
ملف ترقيات دفعة ٢٠١٨ وصل لغاية فين
الخلايا السلبية وأزمات المعلمين..١- إلى سيادة وزير التعليم - ملف ترقيات دفعة ٢٠١٨ وصل لغاية فين ؟ قرار الترقية فين ؟ ليه الترقيات فى التربية والتعليم أصبحت بعد مرور ست سنوات وليس خمس سنوات زى م القانون بيقول ؟ هل هناك تأخر من الأكاديمية؟ هل هناك مشاكل فى تمويل الدرجات ؟ هل هناك اجراءات وروتين طويل حتى يصدر قرار الترقية ؟السؤال دا بيسأله اكتر من 400 الف معلم مدرجين فى ملف الترقى ؟ ام ان ملف للثانوية العامة شغل الجميع عن باقى ملفات العمل ؟ دى أسئلة نتمنى اجابتها حتى يرتاح المعلمين ويطمنوا. فهمونا ملف ترقيات دفعة ٢٠١٨ وصل فين وامتى ترقيات دفعة ٢٠١٩ و٢٠٢٠.
أزمة اساسى ٢٠١٤
الخلايا السلبية وأزمات المعلمين..٢- هناك أزمة مفتعلة ويتم التداول على مواقع التواصل وهى أزمة اساسى ٢٠١٤ ؟
الازمة دى سببها الدولة ومش عارف هل يتم الارجاء فى حلها ام ان الدولة مش لاقيه حل ام ان الدولة لا تدرك ان هناك أزمة حقيقية ؟
ح تقولى ازاى ده أقولك ان سيادة الرئيس قال ( كله ح يتحاسب بالقانون ) وانا بقول طبقوا القانون يا حكومة ويا وزارة المالية وليس اكثر لأن المعلمون بلا جدول مرتبات قانونى ومفيش حاجه اسمها اساسى ٢٠١٤ او ١٦ او ٢٤ مفيش اساسى قانونى اصلا فى الحقيقة
ليه ؟ لأن الدولة كلها كانت شغاله على جدول الأجور الموجود فى قانون ٤٧ لسنة ١٩٧٨ ولما اتلغى وتم استبداله بقانون ٨١ لسنة ٢٠١٦ تم تطبيق جدول اجور الخدمة المدنية على موظفى الدولة ما عدا المعلمين. طب جدول اجور المعلمين القانونى فين ؟ فى اى قانون جدول اجور ومربوط الدرجات المالية / الوظيفية للمعلمين ؟ مش ح تلاقى دا غير فى قانون ٤٧ الملغى.
وهنا أطلب توجيه ذلك الأمر للدراسة بالجهاز المركزى للتنظيم والادارة والمركزى للمحاسبات وإدارة الفتوى والتشريع بمجلس الدولة وإدارة التشريع المالى بوزارة المالية والرقابة الإدارية.
الخلايا السلبية وأزمات المعلمين..المعلمون على حق والدولة مش فاهماهم. واى عدو او عنصر سلبى ح يضايق الدولة او تفكير له هو استفزاز المعلمين بتلك الثغرة الخطيرة التى ظهرت بسبب الاستعجال فى تنفيذ قانون الخدمة المدنية.
الخلايا السلبية وأزمات المعلمين..٣- هناك بعض الكتابات على مواقع الفيس تتحدث عن مكافأة الامتحانات. مين رد وفهم المعلمين ؟
الخلايا السلبية وأزمات المعلمين..٤- المعلمون بالحصة ال ٢٠ ج ثمن الحصة الواحدة ح تجيب ايه ال ٢٠ ج حاليا. لازم نظرة قوية بحيث يصل ثمن اجر الحصة إلى ٣٠ او ٤٠ ج.
الخلايا السلبية وأزمات المعلمين..٥- المعلم لو اخد جزاء اكثر من خمسة ايام حياته بتضيع لأن بيتحرم من حافز الاداء وعلاوة الاعباء لمدة عام او اكثر. مين بيحصل معاه دا فى موظفى مصركلها. لذلك انتشرت جملة خلينا بعيد عن المشاكل لأن كله خايف يغلط ويتجازى لأن شروط الصرف تنص على شرط الحصول على مرتبة تقرير كفء حتى يتاح الصرف للمعلمين. طب اللى تقريره فوق متوسط م يستحقش الصرف ليه؟
